وفاقی وزیر سائنس و ٹیکنالوجی فواد چوہدری کا کہنا ہے کہ پی ڈی ایم کی میٹنگ میں سیاسی یتیم بیٹھے ہیں ۔
وفاقی کابینہ کے اجلاس کے بعد فواد چوہدری نے پریس کانفرنس کرتے ہوئے کہا کہ وزیراعظم کا سارا وقت تو مہنگائی کو نیچے لانے میں صرف ہو جا تا ہے ،قرضوں کے اس بوجھ سے نمٹنا اتنا آسان نہیں ہے ۔یوٹیلیٹی اسٹورز جو کہ ایک تباہ شدہ ادارہ تھا اس سال وہ خسارے سے باہر آجائے گا ۔
وفاقی وزیر کا کہنا تھا کہ کابینہ نے کورونا کے بڑھتے کیسز پر تشویش کا اظہار کرتے ہوئے کہا کہ دنیا کے مقابلے میں ہماری معیشت اور جانی نقصان کم رہا ہے ۔
فوا چوہدری نے کہا کہ جب پاکستان میں کورونا کا پہلا کیس رپورٹ ہوا ہم نے اس سے ایک ماہ پہلے ہی اقدامات کردئیے تھے ۔تیسری لہر کا سامنا بھی پہلی دو لہروں کی طرح بنائی گئی پالیسی سے کر لیں گے۔
انہوں نےیہ بھی کہا کہ پی ٹی آئی کی پوری تحریک شفاف انتخابات پر کھڑی ہے، شفاف انتخابات کے لیے وزیراعظم کو خاص توجہ دینی چاہیے۔
وفاقی وزیر کا کہنا تھا کہ پی ڈی ایم کی میٹنگ میں سیاسی یتیم بیٹھے ہیں جنہوں نے کچھ ماننا ہی نہیں ہے۔
فواد چوہدری نے کہا کہ آئل مارکیٹنگ کمپنیز کے متعلق فیصلہ کیا کہ قانون کی خلاف وزریاں کرنے والوں کے خلاف کارروائی ہوگی ۔ اس حوالے سے تمام دستیاب احتساب کے آلات کو بروئے کار لایا جائے گا ۔
انہوں نے کہا کہ عون عباس بپی کا بطور بیت المال سربراہ استعفیٰ منظور کر لیا گیا ہے ۔
وفاقی وزیر نے کہا کہ پی ڈی ایم سیاسی یتیموں کا گروہ ہے ۔محمود اچکزئی،آفتاب شیر پاؤ جیسے لوگ جن کا سسٹم میں کوئی حصہ ہی نہیں کہہ رہے ہیں کہ استعفیٰ دے دیں ۔
فواد چوہدری نے مزید کہا کہ شبلی فراز صاحب کا پراسس چل رہا ہے وہ واپس آئیں گے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News