وزیر صحت پنجاب یاسمین راشد کو شوبز ستاروں نے ان کی کاوشوں کے اعتراف میں خراجِ تحسین پیش کیا ہے۔

واضح رہے کہ وزیر صحت پنجاب ڈاکٹر یاسمین راشد کینسر سے نبرد آزما ہیں لیکن اس کے باوجود بھی وہ عوام کی صحت کیلئے اپنے فرائض بخوبی انجام دے رہی ہیں جس کا اعتراف سوشل میڈیا پر بھی کیا جانے لگا ہے۔

سوشل میڈیا سائٹس خصوصاً ٹوئٹر پر صوبائی وزیر صحت کی تصویر شیئر کرتے ہوئے ڈاکٹرز و دیگر صارفین خراج تحسین پیش کررہے تھے تاہم اب اس میں شوبز ستارے بھی شامل ہوگئے ہیں۔

پاکستان شوبز انڈسٹری کے معروف اداکار عدنان صدیقی نے سوشل میڈیا پر جاری ٹوئٹ میں کہا کہ ملک کو اپنی صحت سے بالاتر رکھنے والی یاسمین راشد کے شکرگزار ہیں

Advertisement

Putting the country above her health. @Dr_YasminRashid, millions of Pakistanis are thankful to you for working tirelessly to combat #corona while battling cancer yourself. Your courage is an inspiration to so many of us. Grateful 🙏

— Adnan Siddiqui (@adnanactor) April 29, 2021

اداکار نے کہا کہ لاکھوں پاکستانی کورونا کے خلاف جنگ میں آپ کی جدوجہد کا اعتراف کررہے ہیں، اور آپ کی انتھک محنت کو خراجِ تحسین پیش کررہے ہیں۔

انہوں نے کہا کہ آپ کی ہمت ہم میں سے بہت سے لوگوں کے لئے ایک متاثر کُن ہے۔

دوسری جانب پاکستان کے معروف گلوکار علی ظفر نے بھی صوبائی وزیر صحت کی جلد صحتیابی کیلئے دعا کرتا اور خراجِ تحسین پیش کرتا ایک ٹوئٹ شیئر کیا ہے۔

Our prayers and gratitude for you ma’am @Dr_YasminRashid. pic.twitter.com/TwXDpmFo8E

— Ali Zafar (@AliZafarsays) April 29, 2021

گلوکار نے لکھا کہ ہماری دعائیں اور نیک تمنائیں آپ کے ساتھ ہیں۔