سندھ میں حکومت نہیں ٹھگ آف سندھ حکمران ہیں، خرم شیر زمان

کلثوم ہرا

08th Apr, 2021. 08:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں حکومت نہیں ٹھگ آف سندھ حکمران ہیں، خرم شیر زمان

پی ٹی آئی کے سینیئر رہنماء خرم شیر زمان نے کہا ہے کہ سندھ میں حکومت نہیں ٹھگ آف سندھ حکمران ہیں۔

تفصیلات کے مطابق پی ٹی آئی کے سینیئر رہنماء خرم شیر زمان نے وزیراعلیٰ سندھ کی پریس کانفرنس پر رد عمل دیتے ہوئے کہا کہ جعلی چیئرمین ذہنی معذور بن چکے ہیں۔

خرم شیر زمان نے کہا کہ پی پی سے سندھ کے حالات کی بات کریں تو فوراً وفاق پر چڑھ دوڑتے ہیں ، جو حکومت کتوں کی ویکسین اور زکوٰۃ کے پیسے ہڑپ کرجائیں وہ بجٹ کہاں چھوڑیں گے۔

انہوں نے کہا کہ وفاقی حکومت نے سندھ کو حصے سے زائد رقم فراہم کی ہے پھر بھی 13 سالوں کی کارکردگی پوچھنے پر وزیراعلیٰ سندھ گھبرانے لگ گئے۔

خرم شیر زمان نے یہ بھی کہا کہ کراچی کی ترقی پر پیپلزپارٹی بنیاد سے ہی سیاہ دھبہ ہے جبکہ پیپلزپارٹی کے جیالے احساس پروگرام میں دیہاڑیاں مار رہے ہیں۔

انہوں نے کہا کہ سندھ میں ہیلتھ کارڈ کی مخالف سید مراد علی شاہ کی حکومت ہے۔

خرم شیر زمان کا کہنا تھا کہ کراچی میں وزیراعظم کے خصوصی پیکیج سے ترقیاتی کام جاری ہیں ،کراچی میں پانی کے مسئلے پر وفاقی حکومت کام کررہی ہے۔

پی ٹی آئی کے سینیئر رہنماء خرم شیر زمان نے مزید کہا کہ کراچی تحریک انصاف کا شہر ہے اور اس کی ترقی اولین ترجیح ہے۔