وزیر اعظم عمران خان کے  ہمراہ  وزیر اعلیٰ  پنجاب عثمان بزدار آئندہ  ہفتے ملتان کا دورہ کریں گے۔

تفصیلات کے مطابق وزیر اعظم عمران خان کے دورہ ملتان کے انتظامات کے حوالے سے ڈپٹی کمشنر علی شہزاد کی زیرصدارت اجلاس ہو گا۔

اجلاس میں وزیراعظم عمران خان جنوبی پنجاب سیکرٹریٹ کا سنگ بنیاد رکھیں گے اور ملتان کے لئے ترقیاتی پیکیج کا اعلان بھی کریں گے ۔

ڈپٹی کمشنر نے تمام محکموں کے افسران کو  بہترین انتظامات کی ذمہ داریاں سونپ دی ہیں اور مختلف انتظامات کے لئے فوکل پرسنز بھی مقرر کر دیے ہیں۔

ڈپٹی کمشنر نے ویسٹ منیجمنٹ کمپنی کو شہر چمکانے کا ٹاسک دے دیا ہے۔

علی شہزاد نے کہا کہ تمام بڑی شاہراہوں اور بڑے اسپتالوں کے باہر صفائی کے انتظامات  کئے جائیں گے اور شہر کے تمام بڑے چوکوں کو پھولوں سے سجایا جائے گا۔

علی شہزاد  نے  یہ بھی کہا کہ شہر میں جن مقامات  پر نکاسی آب کے مسائل ہیں انکی فوری اصلاح کی جائے۔

ڈپٹی کمشنر نے دورے کے انتظامات کی حوالے سے انسپکشن بھی  شروع کر دی ہے۔

اجلاس میں ایڈیشنل ڈپٹی کمشنرز قمرالزمان  قیصرانی ، رانااخلاق، طیب خان ،ایم ڈی ایم ڈبلیو، ایم سی فخرالاسلام ڈوگر، وائس چانسلر نشتر میڈیکل یونیورسٹی پروفیسر ڈاکٹراحمد اعجاز مسعود،اسسٹینٹ کمشنر خواجہ محمدعمیرمحمود، سیکرٹری آرٹی اے رانا محسن واسا،پی ایچ اے ،ہائی وے ،بلڈنگ ،پولیس ،صحت اور دیگر محکموں کے افسران بھی شرکت کریں گے۔