مسلم لیگ ن ملک کی سب سے بڑی جماعت ہے اور رہے گی، عظمیٰ بخاری

وریشہ مسعود

23rd Apr, 2021. 06:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلم لیگ ن ملک کی سب سے بڑی جماعت ہے اور رہے گی، عظمیٰ بخاری

مسلم لیگ(ن)پنجاب کی ترجمان عظمیٰ بخاری نے کہا ہے کہ مسلم لیگ ن کل بھی اور آج بھی ملک کی سب سے بڑی جماعت ہے اور رہے گی۔

تفصیلات کے مطابق مسلم لیگ(ن)پنجاب کی ترجمان عظمیٰ بخاری نے فردوس عاشق کی پریس کانفرنس ردعمل دیتے ہوئے کہا کہ فردوس امجد کی نوکری ہی شریف خاندان کےخلاف مغلظات بولنے سے قائم ہیں۔

مسلم لیگ(ن)پنجاب کی ترجمان نے کہا کہ سیالکوٹی پجارن پہلے بڑے آقا کی خوشامد کرتی رہی اب چھوٹے آقا کو خوش کرنے میں لگی ہے۔

عظمیٰ بخاری نے یہ بھی کہا کہ شہبازشریف کو کرپشن کی وجہ سے نہیں بھائی کا ساتھ دینے کی سزا ملی ہے۔

مسلم لیگ(ن)پنجاب کی ترجمان کا کہنا تھا کہ شریف فیملی میں اختلافات کی افواہیں اپنی موت آپ مرچکی ہیں، شہبازشریف کے باہر آنے سے پارٹی کارکنوں میں نیا جذبہ اور جوش پیدا ہوا ہے۔

عظمیٰ بخاری کا یہ بھی کہنا تھا کہ کوئی تانگہ پارٹی پاکستان کی مقبول ترین پارٹی کا مقابلہ نہیں کرسکتی۔

مسلم لیگ(ن)پنجاب کی ترجمان عظمیٰ بخاری کا مزید کہنا تھا کہ چور ڈاکو کا واویلہ کرنے والا خود قوم کو ایک ہزار ارب سے زائد کا چونا لگاچکا ہے اور اگر یہی شخص وزیراعظم رہا تو قوم پینے کے صاف پانی کو بھی ترس جائے گی۔