کورونا وباء میں اضافے کے باعث بین الصوبائی ٹرانسپورٹ ہفتے میں دو دن بند رکھنے کا فیصلہ کیا گیا ہے۔
تفصیلات کے مطابق وفاقی نیشنل کمانڈ اینڈ آپریشن سینٹر(این سی او سی) کے اجلاس میں ملک میں بین الصوبائی ٹرانسپورٹ پر ہفتہ، اتوار کے لیے پابندی لگادی گئی، ٹرانسپورٹ پیر سے جمعہ تک چلتی رہے گی۔
اجلاس میں این سی او سی کے سربراہ نے کہا کہ ریلوے سروسز کو 70 فیصد سواریوں کے ساتھ ہفتے میں ساتوں دن آپریشنز کی اجازت ہوگی جبکہ گُڈز، فریٹ، میڈیکل اور دیگر ایمرجنسی سروسز کو استثنی حاصل ہوگا۔
این سی او سی کا مزید کہنا ہے کہ فیصلے کا اطلاق 10 اپریل 2021 سے 25 اپریل 2021 تک ہوگااور پابندی کے فیصلے پر 20 اپریل کو اجلاس میں دوبارہ جائزہ لیا جائے گا۔
واضح رہے کہ ملک میں کورونا سے مزید 81 افراد انتقال کر گئے اور 5000 سے زائد کیسز بھی رپورٹ ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News