وزیر اعظم عمران خان سے معاون خصوصی برائے اطلاعات ڈاکٹر فردوس عاشق اعوان نے لاہور میں ملاقات کی ہے۔
تفصیلات کے مطابق معاون خصوصی برائے اطلاعات ڈاکٹر فردوس عاشق اعوان نے وزیر اعظم عمران خان کو صوبے میں جاری عوامی منصوبوں اور رمضان سہولت بازاروں کی کار کردگی کے حوالے سے آگاہ کیا ہے۔
فردوس عاشق نے وزیراعظم کو رمضان بازاروں میں خورونوش کی فراہمی اور عوام کو درپیش مسائل سے بھی آگاہ کیا ہے۔
ملاقات میں عمران خان نے عوام کے ساتھ جڑے مسائل کے حل کے حوالے سے ہدایات جاری کی ہیں۔
ملاقات کے دوران وزیراعظم نے یہ ہدایت کی کہ عوام کو زیادہ سے زیادہ ریلیف فراہم کرنے کے لئے موثر اقدامات کیے جائیں اور عوام کی خدمت میں کوئی کسر نہ رکھی جائے۔
Advertisement
ملاقات میں وزیر اعظم عمران خان نے اشیاء کی قیمتوں کی سخت نگرانی اور حکومتی اقدامات و عوامی مفادات کے منصوبوں کو عوام تک پہنچانے کے لئے انفارمیشن منسٹری میں ڈیجیٹل ڈائریکٹوریٹ قائم کرنے کی ہدایت بھی کی ہے۔
ملاقات میں وزیراعلیٰ پنجاب سردار عثمان بزدار بھی موجود تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
