واٹس ایپ استعمال کرنے والے صارفین کیلئے ایک اور تبدیلی سامنے آنے والی ہے۔

واٹس ایپ صارفین کی آسانی کے لیے ایک اور فیچر متعارف کروانے جارہا ہےجس کیلئے کمپنی نے ‘نیو آرکائیو’ نامی فیچر کی آزمائش شروع کردی ہے۔

اس فیچر کے تحت صارفین غیر ضروری چیٹ سے دور رہ سکیں گے۔

پہلے اگر کسی غیر ضروری چیٹ کو آرکائیو کیا جاتا تھا تو وہ مکمل طور پر نظروں سے دور نہیں ہوتی تھی کیونکہ وہ شخص جس کی چیٹ آرکائیو ہوتی تھی اس کے میسج بھیجنے پر اسکرین کے اوپر اس کا نام شو ہوجاتا تھا اور آرکائیو ہوئی چیٹ ختم ہوجاتی تھی۔

تاہم اب آرکائیو ہونے والی غیر ضروری چیٹ نیا پیغام آنے کی صورت میں بھی اسکرین کے اوپر نہیں دکھائی دے گی۔

واٹس کی جانب سے یہ سہولت فی الحال بہت مخصوص بیٹا ورژن استعمال کرنے والوں کی پہنچ میں ہے جب کہ عام اینڈرائیڈ ورژن استعمال کرنے والے افراد کچھ عرصے بعد اسے استعمال کر سکیں گے۔

نئے فیچر کے استعمال کیلئے سب سے پہلے ایپ کی سیٹنگز میں جائیں اور چیٹ کے آپشن کو منتخب کرلیں وہاں آپ کو ‘کیپ چیٹس آرکائیوڈ ‘کا آپشن نظر آئے گا جسے ان ایبل کردیں، ان ایبل کرنے کے بعد چیٹ سب سے نیچے چلی جائے گی، اس طرح آپ اس فیچر سے فائدہ اٹھا سکیں گے۔

خیال رہے یہ فیچر واٹس ایپ بیٹا 2.21.11.1 ورژن کیلئے دستیاب ہوگا۔