پاکستان مسلم لیگ (ن) کی نائب صدر مریم نواز نے کہا ہے کہ دھاندلی ہوئی ہے اور زیادہ دیر تک چھپی نہیں رہے گی۔

تفصیلات کے مطابق پاکستان مسلم لیگ (ن) کی نائب صدر مریم نواز نے سماجی رابطے کی ویب سایٹ ٹویٹر پر اپنے ایک پیغام میں کہا کہ دھاندلی دوبارہ گنتی میں پکڑی جائے یا اس کے بعد مگر پکڑی تو جائے گی۔

دھاندلی دوبارہ گنتی میں پکڑی جائے یا اس کے بعد کے اقدامات میں، مگر پکڑی تو جائے گی انشاءاللّہ کیونکہ دھاندلی تو ہوئی ہے اور زیادہ دیر تک چھپی نہیں رہے گی۔ جب تک NA 249 کے عوام کا حق ان کو واپس نہیں مل جاتا، ہم جانے نہیں دیں گے۔ یہ عوام کے ووٹ کی عزت کا سوال ہے کوئی مزاق نہیں ہے۔ https://t.co/hAIq1zEqfI

— Maryam Nawaz Sharif (@MaryamNSharif) May 4, 2021

مریم نواز نے کہا کہ جب تک این اے 249 کے عوام کا حق ان کو واپس نہیں مل جاتا،  ہم جانے نہیں دیں گے۔

انہوں نے کہا کہ یہ عوام کے ووٹ کی عزت کا سوال ہے کوئی مذاق نہیں ہے۔

مریم نواز نے یہ بھی کہا کہ 2018 کےانتخابی حلقوں کی دوبارہ گنتی کے لئے  پیپلزپارٹی کی تجویزکا خیر مقدم کرتے ہیں۔

مریم نواز کا کہنا تھا کہ 2018  کےانتخابی حلقوں کی دوبارہ گنتی کا فائدہ سب سے زیادہ ن لیگ کو ہو گا ،2018 کے انتخابات میں دھاندلی کا سب سے بڑا نشانہ مسلم لیگ ن تھی۔

پاکستان مسلم لیگ (ن) کی نائب صدر مریم نواز نے مزید کہا کہ 2018 کے انتخابی حلقوں میں دوبارہ گنتی کی تجویز پر پیپلز پارٹی کے شگر گزار ہیں۔