احتساب عدالت میں شہباز شریف کی بیٹی رابعہ عمران اور داماد عمران علی کے خلاف صاف پانی ضمنی ریفرنس پر سماعت بغیر کارروائی 19 جون تک ملتوی کردی گئی۔
تفصیلات کے مطابق احتساب عدالت میں شہباز شریف کی بیٹی اور داماد کی جانب سے جائیدادوں کا ریکارڈ پیش نہ کیا گیا، عدالت نے ریفرنس میں نامزد غیر حاضر ملزمان کی حاضری معافی کی درخواست منظور کرلی ہے۔
آئندہ سماعت پر عدالت نے ملزمان رابعہ عمران اور عمران علی یوسف کی جائیدادوں کی تفصیلات طلب کررکھی ہیں۔
نیب کی جانب سے دائرریفرنس کے مطابق شہباز شریف کی بیٹی اور داماد عمران علی سمیت دیگر پر قومی خزانے کو 2 کروڑ 47 لاکھ روپےکا نقصان پہنچانے کا الزام ہے۔
ریفرنس کے مطابق شہباز شریف کے داماد علی عمران یوسف علی اینڈ فاطمہ ڈویلپر کمپنی کے چیف ایگزیکٹو آفیسر تھے جبکہ شہباز شریف کی بیٹی رابعہ عمران علی اینڈ فاطمہ ڈویلپر کمپنی کی ڈائریکٹر تھیں۔
شہبازشریف کے داماد پر صاف پانی پراجیکٹ کے لئے بلڈنگ کرائے پر دینے کا الزام ہے۔
نیب ریفرنس میں کہا گیا کہ عمران علی یوسف کی کمپنی علی اینڈ فاطمہ ڈویلپر نے زیر تعمیر بلڈنگ کرائے پر دی۔
ریفرنس کے مطابق شہبازشریف کے داماد نے زیر تعمیر عمارت کے غیر قانونی طور پہ کرائے وصول کئے۔
نیب کی جانب سے دائر ریفرنس میں مرکزی ملزم وسیم اجمل بھی نامزد ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News