گوگل کروم گوگل کی طرف سے تیارکردہ ویب براؤزر ہے جس کا استعمال دنیا بھر میں موجود صارفین کرتے ہیں۔
آج ہم آپ کو گوگل کروم کے ایک چھپے ہوئے فیچرکے بارے میں بتا رہے ہیں جو آپ کو یوٹیوب یا دیگر سروس کی ویڈیوز کسی بھی ٹیب میں دیکھنے کی سہولت فراہم کرتا ہے۔
گلوبل میڈیا کنٹرول نامی یہ فیچر براؤزر کی کسی ٹیب پر چلنے والی ویڈیو کے میوزک کنٹرول کا کام کرتا ہے مگر اس کے ساتھ ساتھ یہ پکچر ان پکچر موڈ کے استعمال کی سہولت بھی فراہم کرتا ہے۔
سماجی رابطے کی ویب سائٹ فیس بک پر کوئی ویڈیو اوپن کرکے گلوبل میڈیا کنٹرول کے آئیکون پر کلک کریں اور پھراس پر موجود پکچر ان پکچر آپشن پر کلک کردیں۔
اس آئیکون پر کلک کرنے پر ویڈیو ایک چھوٹی ونڈو میں اسکرین کے کونے پر چلنے لگتی ہے جسے ماؤس کی مدد سے کھینچ کر سائز میں بڑا یا چھو ٹا کیا جا سکتا ہے۔
اس فیچر کو استعمال کرنے کے بعد ضروری نہیں کہ آپ گوگل کروم کو اوپن ہی رکھیں بلکہ اسے منیمائز کرنے کے بعد بھی وہ ویڈیو چلتی رہے گی چاہے آپ مائیکرو سافٹ ورڈ اوپن کرکے اس پر ہی کیوں نہ کام کرنے لگیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News