فلسطینیوں پراسرائیلی مظالم کیخلاف تبادلہ خیال کے لیے اسلامی تعاون کی تنظیم (او آئی سی) کی ایگزیکٹو کمیٹی کا اجلاس طلب کرلیا گیا ہے۔

او آئی سی نے سماجی رابطے کی ویب سائٹ ٹویٹر پر بیان جاری کرتے ہوئے بتایاہے کہ اجلاس سعودی عرب کی درخواست پر 16 مئی کو طلب کیا گیا ہے جو وزرائے خارجہ کی سطح کا ہے۔

Upon the request of the Kingdom of #SaudiArabia, chair of the Islamic Summit, the Organization of Islamic Cooperation (OIC) will on Sunday 16 May 2021 hold a virtual open-mended meeting of its Executive Committee at the level of foreign ministers… pic.twitter.com/LgG6trjDlJ

— OIC (@OIC_OCI) May 13, 2021

اجلاس میں فلسطینی سرزمین بالخصوص بیت المقدس پر اسرائیلی جارحیت اور مسجد الاقصیٰ کے احاطے میں اسرائیلی افواج کی پر تشدد کارروائیوں پر تبادلہ خیال کیا جائے گا۔

خیال رہے کہ رمضان المبارک کے آغاز سے ہی مقبوضہ بیت المقدس میں اسرائیلیوں کی جانب سے فلسطینیوں پر حملوں اور دیگر پرتشدد کارروائیوں کا سلسلہ جاری ہے۔

اسرائیل کے تازہ حملے میں شہید ہوجانے والے فلسطینیوں کی تعداد 109 ہوگئی۔

فلسطینی وزارت صحت کے مطابق اسرائیل کی فضائی بمباری سے 109 فلسطینی شہید ہوچکے ہیں جس میں 28 بچے جبکہ 15 خواتین بھی شامل ہیں۔

فلسطینی وزارت صحت کے مطابق اسرائیلی بمباری میں 621 افراد زخمی ہوئے ہیں۔