پاکستان سپر لیگ کے بقیہ میچز کیلئے کراچی میں ہوٹل بکنگ منسوخ کرادی گئی ہے۔
تفصیلات کے مطابق پی سی بی نے کراچی کے ہوٹل موو اینڈ پک کی بکنگ منسوخ کرا دی ہے۔
ذرائع کے مطابق اس حوالے سے پی سی بی، پی ایل ایل انتظامیہ اور فرنچائز مالکان کا اجلاس آج ہورہا ہے ، جس میں پاکستان سپر لیگ کے بقیہ میچزسے متعلق فیصلہ کیا جائے گا۔
ڈھائی سے 5 بجے تک ورچوئل اجلاس ہوگا۔
واضح رہےکہ پی سی بی نےامارات میں گراؤنڈز کی دستیابی اور ہوٹل بکنگ کے لئے بھی رابطہ کیا تھا۔
نیشنل کمانڈ اینڈ آپریشن سینٹر (این سی او سی) کی جانب سے کراچی میں پی ایس ایل کے بقیہ میچز کروانے سے منع کرتے ہوئے یو اے ای میں کروانے کا فیصلہ کیا گیا تھا ۔
یاد رہے کہ پاکستان کرکٹ بورڈ کی جانب سے پاکستان سپر لیگ کے بقیہ میچز رواں سال جون میں کراچی میں شیڈول ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News