موبائل فونز پر زائد کسٹمز ڈیوٹی و ٹیکسز پر فیڈرل بورڈ آف ریونیو (ایف بی آر) نے وضاحت دے دی۔
تفصیلات کے مطابق فیڈرل بورڈ آف ریونیو نے موبائل فونز پرعائد کسٹمز ڈیوٹی کے حوالے سے خبروں پر وضاحت جاری کر دی ہے۔
ایف بی آر کی جانب سے جاری وضاحت کے مطابق غیر ملکی مسافر اپنے پاسپورٹ پر پانچ موبائل فونز رجسٹرڈ کر سکتے ہیں۔
ایف کے آر کے مطابق 500امریکی ڈالر سے زائد مالیت کے فون پر عائد کسٹمز ڈیوٹی و ٹیکسز ادائیگی کا پاسپورٹ اور شناختی کارڈ کے ذریعے رجسٹریشن میں فرق تقریباً 9000 روپے ہے۔
ایف بی آر کا کہناہے کہ اس فرق کو ختم کرنے اور پاسپورٹ کے ذریعے رجسٹریشن کے تحت صرف ایک فون کی اجازت کے لئے وی بوک موڈیول میں تبدیلی کی جارہی تھی۔
وضاحت دی گئی کہ اس پراسیس کے دوران تکنیکی خرابی کی وجہ سے ودہولڈنگ ٹیکس کی چھوٹ سسٹم سے خارج ہو گئی جس کی وجہ سے پاسپورٹ پر فون رجسٹریشن پر 36720 روپے کسٹمز ڈیوٹی چارج ہونے لگی۔
ایف بی آر نے بتایا کہ اس مسئلے کے فوری حل کی کوشش جاری ہے اور تکنیکی ٹیم وی بوک موڈیول کی جانچ پڑتال کر رہی ہے،عائد ڈیوٹیز اور ٹیکسز کی درستگی کا معاملہ کل تک ٹھیک کر لیا جائے گا۔
ایف بی آر کے مطابق اس تکنیکی خرابی کی وجہ سے جن افراد سے زائد ڈیوٹیز و ٹیکسز لئے گئے ہیں ان کو زائد ادا شدہ رقم فی الفور ریفنڈ کر دی جائے گی۔
ایف بی آر کا کہنا ہے کہ اس خرابی کی وجہ سے لوگوں کو پیش آ نے والی مشکل پر معذرت خواہ ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News