کراچی میں اسٹریٹ کرائم کی وارداتوں میں واضح اضافہ

شبین رضا

07th May, 2021. 02:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں اسٹریٹ کرائم کی وارداتوں میں واضح اضافہ

شہرقائد میں اسٹریٹ کرائم کی وارداتیں کم نہ ہوسکیں۔

تفصیلات کے مطابق سال 2021 کے ابتدائی 4 ماہ میں اسٹریٹ کرائم کی وارداتوں میں واضح اضافہ ہوا ہے۔

کراچی میں اسٹریٹ کرائم سے متعلق جاری کردہ سی پی ایل سی رپورٹ کے مطابق رواں سال کے 4 ماہ میں 6760 افراد کو موبائل فون سے محروم کردیا گیا ، سال 2020 میں یہ تعداد 5187 رہی۔

سی پی ایل سی رپورٹ کے مطابق رواں سال میں 14202 موٹرسائیکلیں چھینی یا چوری کی گئیں ، سال 2020 میں جنوری سے اپریل تک 9160 موٹرسائیکلیں چھینی یا چوری ہوئی تھیں۔

جاری کردہ رپورٹ کے مطابق رواں سال کے ابتدائی 4 ماہ میں 431 شہریوں کو گاڑیوں سے محروم کردیا گیا، گزشتہ سال ابتدائی چار ماہ میں 408 گاڑیاں چھینی اور چوری کی گئی تھی۔

سی پی ایل سی رپورٹ کے مطابق سال 2021 میں ایک بینک ڈکیتی بھی رپورٹ ہوئی جبکہ سال 2020 کے 4 ماہ میں کوئی بینک ڈکیتی رپورٹ نہیں کی گئی تھی۔

پولیس ذرائع کے مطابق رمضان المبارک میں اب تک اسٹریٹ کرائم کی درجنوں وارداتیں رپورٹ ہوچکی ہیں۔

واضح رہےکہ متعدد سی سی ٹی وی فوٹیجزسامنے آنے کے باوجود پولیس ملزمان کو پکڑنے میں ناکام ہے۔