وزیر تعلیم سندھ سعیدغنی نے کہا ہے کہ اساتذہ کے تبادلے سال میں ایک مرتبہ ہونگے۔
تفصیلات کے مطابق وزیر تعلیم سندھ سعیدغنی نے نیوز کانفرنس کرتے ہوئے کہا کہ کابینہ نے ریکروٹمنٹ پالیسی منظور کی ہے، نئی پالیسی کے تحت کوئی ٹیچر اپنی مرضی سے پوسٹنگ نہیں کراسکتا۔
وزیر تعلیم سندھ نے کہا کہ اساتذہ کے تبادلوں سے متعلق پالیسی بنائی ہے، یکم جولائی سے پالیسی پر عملدرآمد شروع ہوجائے گا۔
سعیدغنی نے یہ بھی کہا کہ اساتذہ کے تبادلوں کی وجہ سے تعلیم متاثر نہیں ہوگی۔ اساتذہ کے تبادلے سال میں ایک مرتبہ ہونگے ، اساتذہ اپنی من پسند جگہوں اور خواہشات پر تبادلے نہیں کراسکیں گے۔
وزیر تعلیم سندھ کا کہنا تھا کہ سندھ میں29ٹریننگ انسٹیٹیوٹ ہیں، ٹریننگ انسٹیٹیوٹ کوپبلک پرائیویٹ پارٹنرشپ کےتحت چلانا ہے۔
سعیدغنی کا یہ بھی کہنا تھا کہ انسٹیٹیوٹ سے سرٹیفکیٹ لینے والےکو محکمہ تعلیم میں ملازمت دےدیں گے جبکہ سرٹیفکیٹ لینے والےکو کسی ٹیسٹ کی ضرورت نہیں ہوگی۔
وزیر تعلیم سندھ سعیدغنی کا مزید کہنا تھا کہ پی ایس ٹی میں بھرتی ہونے والوں کی پروموشن کی جائیگی اور پی ایس ٹی میں بھرتی ہونے والا پی ایس ٹی میں ہی ریٹائر ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News