پیاز ان سبزیوں میں سے ایک ہے جو آپ کے جسم کو گرمی سے بچانے میں مدد فراہم کر سکتی ہے اس سبزی کو کچی اور پکی دونوں طریقوں سے کھایا جاتا ہے۔
گرمی کی شدت کم کرنے کے لئے پیاز کافی مشہور ہے کیونکہ اس میں ٹھنڈک کی خصوصیات موجود ہیں ،اس کے علاوہ پیاز کھانے سے ہمارے جسم کو وٹامن سی بھی کثرت سے ملتا ہے۔
اس کے علاوہ پیاز کا پانی بالوں کے لئے بھی بے حد مفید ہے جس جگہ سے سر میں گنج پن بننا شروع ہو جائے وہاں پیاز کا پانی لگانے سے بالوں کی گروتھ پھر سے شروع ہو جاتی ہے۔
ذیابیطس کے مریضوں کو بھی اپنی غذا میں پیاز شامل کرنا چاہئیے ، پیاز کا گلیسیمک انڈیکس 10 سے کم ہے جو ذیابیطس کے مریضوں کے لئے اچھا ہوتا ہے اس میں بہت کم کاربس اور کثیر مقدار میں فائبر ہوتا ہے یہ خصوصیات مل کر ذیابیطس کے مریضوں کے لئے پیاز کو ایک بہترین سبزی بناتی ہیں۔
پیاز کی مدد سے ہمارا نظام ہاضمہ بھی بہتر طریقے سے کام کرتا ہے اور پیاز سے کولیسٹرول کی سطح بھی کنٹرول ہوتی ہے جس سے ہماری قلبِ صحت کو فروغ ملتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News