مسلم لیگ ن کے رہنما خواجہ سعد رفیق نے کہا ہے کہ حکومت نے ملک کو 3 سال میں برباد کر دیا ہے۔
تفصیلات کے مطابق مسلم لیگ ن کے رہنما خواجہ سعد رفیق نے اپنے ایک بیان میں کہا کہ گھوٹکی میں بہت بڑا سانحہ ہوا جس میں قیمتی جانوں کا ضیاع ہوا ہے۔
سعد رفیق نے کہا کہ ٹرین حادثے کی بنیادی وجہ ٹرین کی دیکھ بھال نہ ہونا ہے ،ریل کی ہر کوچ دیکھ بھال مانگتی ہے۔
انہوں نے یہ بھی کہا کہ حکومت کی کوچز کی دیکھ بھال پر کوئی توجہ نہیں ہے ،تبلیغی جماعت کے 70 افراد شارٹ سرکٹ سے جاں بحق ہوئے پر حکومت نے جھوٹ بولا کہ سلنڈر سے آگ لگی۔
مسلم لیگ ن کے رہنما کا کہنا تھا کہ شیخ رشید ملک کا سب سے بڑا جھوٹا انسان ہے۔
سعد رفیق نے کہا کہ مخالفین مجھ پرلوٹ مار کا الزام لگاتے رہتے ہیں، مجھ پر الزام لگایا گیا کہ میں نے ریلوے کو لوٹا، بتایا جائے کیا لوٹا ؟
انہوں نے یہ بھی کہا کہ میں نے ریلوے کو 18 ار ب کے منافع پرچھوڑاتھا، آئندہ مجھ پر الزام لگانے سے پہلے سوچا جائے۔
مسلم لیگ ن کے رہنما کا کہنا تھا کہ ہم نے اپنے دور میں 11 نئے ریلوے اسٹیشن بنائے تھے جبکہ موجودہ حکومت نے ایک بھی نیا ریلوے اسٹیشن تعمیر نہیں کیا۔
سعد رفیق نے کہا کہ موجودہ حکومت نے ریلوے کو تباہ کر دیا ہے، پاکستان ریلویز کو مالی طور پر بھی بہت نقصان ہوا ہے۔
انہوں نے یہ بھی کہا کہ مسائل کا واحد حل ایم ایل ون منصوبے کی تکمیل ہے۔
سعد رفیق نے کہا کہ موجودہ وزیر داخلہ لوگوں کی لاشوں پرسیاست کرتے ہیں ایک دوسرے کو ٹارگٹ کرنے سے کچھ حاصل نہیں ہوگا۔
انہوں نے یہ بھی کہا کہ ریلوے کی دیکھ بھال کے لئے فنڈز نہیں ہیں، رائل پام کو اب تک کسی کے سپرد کیوں نہیں کیا گیا۔
مسلم لیگ ن کے رہنما کا کہنا تھا کہ ملک پر کرپٹ گروہ کو مسلط کر دیا گیا ہے۔
سعد رفیق نے کہا کہ حکمران اب کورونا اور کرپشن کا شور مچا کر چھپ نہیں سکتے۔
مسلم لیگ ن کے رہنما کا کہنا تھا کہ حکومت نے ریلوے میں کوئی کام نہیں کیا۔
سعد رفیق نے کہا کہ موجودہ اور تبلیغی جماعت والے حادثے کی انکوائری کروائی جائے۔
مسلم لیگ ن کے رہنما خواجہ سعد رفیق نے مزید کہا کہ تبدیلی سرکار کا ریلوے کے حوالے سے گناہ چھپ نہیں سکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News