عوام نے موروثی سیاست کے سپوتوں کو ایک بار پھر انکی اوقات یاد دلا دی، فیاض الحسن

اسفا سروت

26th Jul, 2021. 03:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عوام نے موروثی سیاست کے سپوتوں کو ایک بار پھر انکی اوقات یاد دلا دی، فیاض الحسن
بابا گرونانک کی 486 ویں برسی، پہلے روز دنیا بھر سے 2 ہزار یاتری کرتارپور پہنچے
ایشیا کپ 2025 : فائنل سے قبل بڑا فائنل ، اینڈی پائی کرافٹ میچ ریفری ، پاک بھارت ٹاکرا آج
تنازعات عالمی امن کو خطرے میں ڈال رہے ہیں،شہبازشریف، عالمی یوم امن پر پیغام

Now Reading:

عوام نے موروثی سیاست کے سپوتوں کو ایک بار پھر انکی اوقات یاد دلا دی، فیاض الحسن

وزیر جیل خانہ جات پنجاب فیاض الحسن چوہان نے کہا کہ عوام نے موروثی سیاست کے سپوتوں کو ایک بار پھر انکی اوقات یاد دلا دی۔

تفصیلات کے مطابق وزیر جیل خانہ جات پنجاب فیاض الحسن چوہان نے لاہور میں آزاد جموں کشمیر انتخابات کے حوالے سے اپنے بیان میں کہا کہ کشمیر انتخابات کے نتائج نے اپوزیشن کی مقبولیت کے تابوت میں ایک اور کیل ٹھونک دی۔

انہوں نے کہا کہ عشروں سے ملک کی جڑوں کو کھوکھلا کرنے والے بتدریج اپنے انجام تک پہنچ رہے ہیں، ن لیگ نے دھونس اور دھاندلی سے الیکشن متنازعہ بنانے میں کوئی کسر نہیں چھوڑی تھی۔

فیاض الحسن چوہان نے کہا کہ بلاول زرداری 8 امیدوار کھڑے کر کے انتخابات میں معرکہ مارنے چلے تھے، ان دونوں خاندانوں کا کچا چٹھا عوام نے بارہا کھول کر رکھ دیا ہے۔

انہوں نے کہا کہ ہونا تو یہی چاہیے کہ آل شریف اور آل زرداری اپنے سیاسی گناہوں پر عوام سے معافی مانگیں لیکن یہ عقل سے عاری سیاست دان ’’چور مچائے شور‘‘ کے فارمولے سے عوام کو گمراہ کر رہے ہیں۔

وزیر جیل خانہ جات پنجاب فیاض الحسن چوہان نے مزید کہا کہ اپوزیشن آئندہ انتخابات کے پانچ سال بھی ایسے ہی رونے روتی رہے گی۔