سینیٹر شیری رحمان نے کہا کہ پاکستان کے فوڈ امپورٹ بل میں 53 فیصد اضافہ ہوا ہے۔

تفصیلات کے مطابق سینیٹر شیری رحمان نے سماجی رابطے کی ویب سائٹ ٹوئٹر پر اپنے ایک پیغام میں کہا کہ پی ٹی آئی حکومت نے گندم کی درآمد کے حوالے سے پبلک پروکیورمنٹ ریگولیٹری اتھارٹی کے قواعد میں چھوٹ دی ہے۔

 انہوں نے کہا کہ پاکستان کی ترقی پذیر زراعت کے شعبے کو برباد کرنے کے بعد تباہی سرکار اضافی نرخوں پر ضروری اشیائے خوردونوش کی درآمد کر رہی ہے جو بدانتظامی اور بدعنوانی کی بدترین مثال ہے۔

پاکستان کے فوڈ امپورٹ بل میں 53 فیصد اضافہ ہوا ہے، جس کی وجہ چینی، گندم، پام آئل، دالوں اور کئی دیگر اشیاء کی ملکی پیداوار میں بڑے پیمانے پر قلت ہے۔ہماری خوراک کی افراط زر اب خطے میں سب سے زیادہ ہے جبکہ یوٹیلیٹی اسٹورز پر بنیادی اشیاء کی قیمتوں میں بھی آئے روز اضافہ کیا جاتا۔ 2/2 pic.twitter.com/DnyfmIqYXx

Advertisement

— SenatorSherryRehman (@sherryrehman) July 30, 2021

شیری رحمان نے اپنے ٹوئٹر پیغام میں کہا کہ پاکستان کے فوڈ امپورٹ بل میں 53 فیصد اضافہ ہوا ہے جس کی وجہ چینی، گندم، پام آئل، دالوں اور کئی دیگر اشیا کی ملکی پیداوار میں بڑے پیمانے پر قلت ہے۔

انہوں نے مزید کہا کہ ہماری خوراک کی افراط زر اب خطے میں سب سے زیادہ ہے جبکہ یوٹیلیٹی اسٹورز پر بنیادی اشیا کی قیمتوں میں بھی آئے روز اضافہ کیا جاتا ہے۔