خواتين ووٹرز کے ساتھ توہین آمیز سلوک کیا جا رہا ہے، مریم اورنگزیب

اسفا سروت

25th Jul, 2021. 04:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خواتين ووٹرز کے ساتھ توہین آمیز سلوک کیا جا رہا ہے، مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا کہ خواتين ووٹرز کے ساتھ توہین آمیز سلوک کیا جا رہا ہے۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے اپنے بیان میں کہا کہ آزاد جموں و کشمیر کے مختلف حلقوں سے الیکشن بے ضابطگیوں، پولنگ ایجنٹس کو پولنگ اسٹیشنز میں داخل ہونے سے روکنے اور پولنگ کی بندش کی شکایات بڑھتی جارہی ہیں۔

انہوں نے کہا کہ پولنگ اسٹیشن گرلز پرائمری اسکول کنگڑ ہڑیالہ (یوسی) قومی كوٹ پر دو گھنٹے سے پولنگ بند ہے، عملے کی مدد سے پولنگ اسٹیشن کے اندر ٹھپے لگانے کی تشویشناک اطلاعات ملی ہیں۔

مریم اورنگزیب نے کہا کہ ایل اے 32 چکار، ایل اے 33 گوہر آباد میں پی ٹی آئی کے سوا کسی جماعت کا پولنگ ایجنٹ پولنگ اسٹیشن میں داخل نہیں ہونے دیا گیا، ڈسکہ الیکشن کے ہتھکنڈے کھلم کھلا انجام دیئے جا رہے ہیں جس کے خلاف عوام کا شدید ردعمل اور سنگین صورتحال پیدا کر دے گا۔

پاکستان مسلم لیگ (ن) کی ترجمان مریم اورنگزیب نے مزید کہا کہ کوئی ناخوشگوار صورتحال پیدا ہوئی تو عمران صاحب ذمہ دار ہوں گے، تمام درخواستیں الیکشن کمیشن میں جمع کروا دی گئی ہیں۔