لاہور کے مختلف علاقوں میں بارش کا امکان ، کمشنر لاہور نے ہدایات جاری کردیں

انوشہ شیخ

27th Jul, 2021. 11:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور کے مختلف علاقوں میں بارش کا امکان ، کمشنر لاہور نے ہدایات جاری کردیں

صوبائی دارالحکومت لاہور کے مختلف علاقوں میں بارشوں کے امکانات ہونے کے باعث کمشنر لاہور کیپٹن محمد عثمان نے تمام محکموں کو چوکس رہنے کیلئے احکامات جاری کردیے ہیں۔

کمشنر لاہور کا کہنا ہے کہ شاہ پور کانجراں سے نکاسی آب آج ہی مکمل ہونی چاہئیے کیونکہ کل بدھ کو منڈی لگنی ہے۔

ان کا مزید کہنا ہے کہ تمام اے سیز اپنے علاقوں کا دورہ کریں اور نکاسی آب کی خود نگرانی کریں جبکہ واسا افسران اور اہلکار بھی اپنے اپنے ایریاز میں خود موجود ہوں۔

جاری کردہ ہدایات کے مطابق مون سون ہنگامی مراکز کو درکار مشینری اور وسائل فوری طور پر مہیا کی جائیں جبکہ تمام بارشی سورنگ پوائنٹس پر افرادی و مکینیکل وسائل یقینی ہونے چاہیے۔

کمشنرلاہور کا مزید کہنا ہے کہ آج ورکنگ ڈے ہے اے سیز اور ٹریفک پولیس بند ہونے والے راستوں کا متبادل انتظام کرائیں جبکہ نکاسی آب کیلیے واسا افسران بھی مکمل الرٹ رہیں۔

واضح رہے کہ انہوں نے تیز بارشوں کی صورت میں شہریوں کو گھروں سے غیر ضروری طور پر نہ نکلنے اور دوران بارش بجلی کے کھمبوں اور تاروں سے دور رہنے کی اپیل کی ہے۔