صرف ویکسینیشن ہی کورونا وائرس کے خلاف واحد اور موثرعلاج ہے، سارہ اسلم

سوشل میڈیا

26th Jul, 2021. 11:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صرف ویکسینیشن ہی کورونا وائرس کے خلاف واحد اور موثرعلاج ہے، سارہ اسلم

سارہ اسلم کا کہنا ہے کہ صرف ویکسینیشن ہی کورونا وائرس کے خلاف واحد اور موثرعلاج ہے۔

تفصیلات کے مطابق پنجاب کے محکمہ پرائمری اینڈ سکینڈری ہیلتھ کی سیکرٹری سارہ اسلم نے کہا ہے کہ پنجاب میں کورونا وائرس کے کیسز میں اضافہ ہورہا ہے، کورونا کیسز میں اضافہ کے پیشِ نظر مختلف سیکٹرز کے اسپیشل ایس او پیز بھی جاری کر دیے ہیں، تمام شہری خاص طور پر کورونا کی مکمل احتیاط ملحوظ خاطر رکھیں۔

ان کا کہنا ہے کہ 18 سال سے زیادہ عمر کے تمام افراد کا فوری طور پر ویکسینیشن لگوانا ناگزیر ہے، گزشتہ 24 گھنٹوں کے دوران صوبہ بھر سے 556 نئے کیسز رپورٹ ہوئے ہیں جس سے صوبہ بھر میں میں کرونا کے کیسز کی ٹوٹل تعداد 353,238 ہو گئی ہے۔

پنجاب کے محکمہ پرائمری اینڈ سکینڈری ہیلتھ کی سیکرٹری کا کہنا ہے کہ اب تک صوبہ بھر میں 331,189 مریض مکمل طور پر صحت یاب ہو چکے ہیں اور صوبہ بھر میں ایکٹیو کیسز کی تعداد 11,105 ہو گئی ہے، گزشتہ روز لاہور میں 1 ہلاکت سمیت صوبہ بھر میں ٹوٹل 5 اموات رپورٹ ہوئے ہیں جس سے صوبہ بھر میں اموات کی کل تعداد 10,944 ہو گئی ہے۔