سپیکٹرم کی نیلامی سے ملکی خزانے کو اربوں روپے کا ریونیو حاصل ہوگا، امین الحق

اسفا سروت

28th Jul, 2021. 03:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپیکٹرم کی نیلامی سے ملکی خزانے کو اربوں روپے کا ریونیو حاصل ہوگا، امین الحق

وفاقی وزیر آئی ٹی سید امین الحق نے کہا کہ سپیکٹرم کی نیلامی سے ملکی خزانے کو اربوں روپے کا ریونیو حاصل ہوگا۔

تفصیلات کے مطابق وفاقی وزیر آئی ٹی سید امین الحق نے کہا کہ آزاد کشمیر، گلگت بلتستان سمیت پاکستان بھر میں اضافی سپیکٹرم نیلامی کی تیاریاں حتمی مراحل میں داخل ہوچکی ہیں۔

امین الحق نے کہا کہ ٹیلی کام ایکٹ 1996 کے تحت دستیاب ریڈیو فریکوئنسی 1800 اور 2100 میگا ہرٹز میں نیلامی ہوگی، ملک کی تاریخ میں پہلی مرتبہ کشمیر و گلگت کیلئے اضافی سپیکٹرم کی نیلامی ہورہی ہے۔

انہوں نے کہا کہ ایک میگا ہرٹز پیئر کی پاکستان کیلئے ابتدائی قیمت بالترتیب 29 اور 31 ملین ڈالرز رکھی گئی ہے، آزاد کشمیر اور گلگت بلتستان کیلئے ایک میگا ہرٹز پیئر کی ابتدائی قیمت 8 لاکھ 70 ہزار ڈالر ہے۔

امین الحق نے کہا کہ وفاقی کابینہ سے منظوری کے بعد ستمبر کے آخر تک نیلامی کا عمل ہر صورت مکمل کیا جائے گا، نیلامی کیلئے پاکستان ٹیلی کمیونیکیشن اتھارٹی کو ضروری ہدایات جاری کردی گئی ہیں۔

وفاقی وزیر آئی ٹی سید امین الحق نے مزید کہا کہ اضافی سپیکٹرم سے صارفین کو بہترین و بلاتعطل موبائل براڈ بینڈ سروسز میسر آئیں گی، ملک بھر کے مضافاتی اور پہاڑی علاقوں میں بھی براڈ بینڈ نیٹ ورک میں بہتری آئے گی۔