اگر تحفظات دور نہ کئے گئے تو الیکشن کمیشن کیخلاف شور شرابہ اٹھے گا، رحمان ملک

سوشل میڈیا

24th Jul, 2021. 12:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اگر تحفظات دور نہ کئے گئے تو الیکشن کمیشن کیخلاف شور شرابہ اٹھے گا، رحمان ملک

رحمان ملک کا کہنا ہے کہ اگر تحفظات دور نہ کئے گئے تو الیکشن کمیشن کیخلاف شور شرابہ اٹھے گا۔

تفصیلات کے مطابق سابق وزیرِداخلہ و پیپلز پارٹی سینئر رہنماء سینیٹررحمان ملک نے الیکشن کمیشن آزاد جموں کشمیر سے فوری اقدامات کا مطالبہ کرتے ہوئے کہا ہے کہ سیاسی جماعتوں اور امیدواروں نے آزاد جموں و کشمیر کے انتخابات پر تحفظات ظاہر کیے ہیں، الیکشن کمیشن آزاد جموں و کشمیر آج ہنگامی بنیادوں پر اجلاس بلائے، اگر تحفظات دور نہ کئے گئے تو الیکشن کمیشن کیخلاف شور شرابہ اٹھے گا۔

انھوں نے مطالبہ کیا ہے کہ آزاد جموں و کشمیر الیکشن کمیشن انتخابی عمل پر آج پریس کانفرنس منعقد کرے، الیکشن کمیشن بتائے کہ انھوں نے انتخابی عمل کو شفاف بنانے کے لئے کیا اقدامات اٹھائے ہیں۔

رحمان ملک نے مزید مطالبہ کیا ہے کہ دھاندلی کو روکنے کے لئے اٹھائے گئے تمام اقدامات کے بارے عوام کو بتایا جائے، الیکشن کمیشن آزاد جموں و کشمیر تمام جماعتوں کی اعلی قیادت سے ایک اجلاس بلائے اور الیکشن کمیشن سیاسی جماعتوں اور انتخابات میں حصہ لینے والے امیدواروں کی شکایات سن کر ازالہ کرے۔