مسلم لیگ ن کو مریم نواز کے بیانیے کی وجہ سے کشمیر میں شکست ہوئی ہے، فرخ حبیب

سوشل میڈیا

28th Jul, 2021. 10:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلم لیگ ن کو مریم نواز کے بیانیے کی وجہ سے کشمیر میں شکست ہوئی ہے، فرخ حبیب

فرخ حبیب کا کہنا ہے کہ مسلم لیگ ن کو مریم نواز کے بیانیے کی وجہ سے کشمیر میں شکست ہوئی ہے۔

تفصیلات کے مطابق وزیر مملکت اطلاعات فرخ حبیب نے الیکشن کمیشن کے باہر میڈیا سے گفتگوکی ہے کہ مسلم لیگ ن اور پیپلز پارٹی کے ریکارڈ کی جانچ پڑتال کیلئے درخواست دی ہے، مسلم لیگ ن اور پیپلز پارٹی نے چار سال میں کوئی ریکارڈ سکروٹنی کمیٹی میں جمع نہیں کرایا ہے، دونوں جماعتوں نے پارٹی اکاؤنٹس کو منی لانڈرنگ کیلئے استعمال کیا ہے۔

ان کا کہنا ہے کہ مسلم لیگ ن نے 12 اور پیپلز پارٹی نے 7 اکاؤنٹس الیکشن کمیشن سے چھپائے ہیں، چھپائے اکاؤنٹس میں کروڑوں اور اربوں روپے کی ٹرانزیکشنز کی گئیں ہیں، امید ہے ہمیں مسلم لیگ ن اور پیپلز پارٹی کے اکاؤنٹس کی جانچ پڑتال کی اجازت دی جائے گی۔

ان کا کہنا ہے کہ آجکل راجہ فاروق حیدر، شاہد خاقان عباسی اور احسن اقبال نیے ریاضی دان سامنے آئے ہیں، کشمیر جا کر عمران خان پر تنقید کی گئی لیکن انکل مودی پر کوئی بات نہیں کی گئی، راجہ فاروق حیدر شکست کے بعد ذہنی توازن کھو بیٹھے ہیں۔

فرخ حبیب نے مزید کہا ہے کہ کشمیری 70 سال سے جدوجہد کر رہے ہیں۔