پیپلز پارٹی اور بلاول بھٹو اس ملک کا روشن مستقبل ہیں، مرتضیٰ وہاب

اسفا سروت

26th Jul, 2021. 07:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلز پارٹی اور بلاول بھٹو اس ملک کا روشن مستقبل ہیں، مرتضیٰ وہاب

عوام کسی بھی غیرقانونی کارروائی کا حصہ نہ بنیں، مرتضیٰ وہاب

ترجمان سندھ حکومت مرتضیٰ وہاب نے کہا کہ پیپلزپارٹی اور بلاول بھٹو اس ملک کا روشن مستقبل ہیں۔

تفصیلات کے مطابق ترجمان سندھ حکومت مرتضیٰ وہاب نے فواد چوہدری کی پریس کانفرنس پر ردعمل دیتے ہوئے کہا کہ پیپلزپارٹی کے دور کے خاتمے کا خواب دراصل بلی کے خواب میں چھیچھڑے کے مترادف ہے، ہمارے دور کے خاتمے کا خواب وہ دیکھ رہے ہیں جنکا دور ابھی بھی نہیں ہے۔

انہوں نے کہا کہ فواد چوہدری جیسے لوگ سلیکٹڈ حکومت کے لئے کرائے پر کام کررہے ہیں، فواد چوہدری کل کسی اور جماعت کے ہمنوا ہوں گے، آپ کچھ بھی کرلیں مگر کبھی لیڈر نہیں بن سکتے۔

مرتضیٰ وہاب نے کہا کہ ہر انتخابات میں پیپلزپارٹی پہلے سے زیادہ نشستیں حاصل کررہی ہے، پیپلزپارٹی سندھ سمیت پورے ملک کی عوام کی امنگوں کی امین ہے۔

ترجمان سندھ حکومت مرتضیٰ وہاب نے مزید کہا کہ پاکستان کی عوام سلیکٹڈ سرکار سے تنگ آچکی ہے، پی ٹی آئی کی حکومت کیسے بنی؟ ملک کی عوام اچھی طرح جانتی ہے، وہ دن دور نہیں جب نااہل حکمران بوریا بسترا لپیٹ رہے ہوں گے۔