نئے مالی سال میں حکومت نے مقامی گاڑیوں پرعائد ٹیکسوں میں کمی کر دی۔

تفصیلات کے مطابق نئے مالی سال 22-2021 کے بجٹ میں حکومت نے مقامی گاڑیوں کی قیمتوں میں کمی کے لئے فیڈرل ایکسائز ڈیوٹی اور سیلز ٹیکس میں کمی کا اعلان کیا ہے جس کے بعد مقامی گاڑیوں کی قیمتوں میں 50 ہزار سے ڈیڑھ لاکھ روپے تک کمی ہوسکتی ہے۔

ہزار سی سی تک کی گاڑیوں پر ڈھائی فیصد فیڈرل ایکسائز ڈیوٹی ختم کر دی گئی جبکہ ہزار سی سی تک کی گاڑیوں پر سے سیلز ٹیکس ساڑے 4 فیصد کمی کے بعد ساڑے 12 فیصد کر دیا گیا ہے۔

حکومت نے ہزار سے 3 ہزار سی سی کی گاڑیوں پر فیڈرل ایکسائز ڈیوٹی ڈھائی فیصد تک کم کی ہےاور اب ہزار سے 2 ہزار سی سی کی گاڑیوں پر فیڈرل ایکسائز ڈیوٹی ڈھائی فیصد اور 2 ہزار 3 ہزار سی سی پر سے فیڈرل ایکسائز ڈیوٹی 5 فیصد کر دی گئی۔

ٹویوٹا فورچونر کے علاوہ 3500 سی سی کی کیا سورینٹو کی قیمت میں بھی ایک لاکھ 95 ہزار روپے کی کمی ہوسکتی ہے جبکہ ٹویوٹا کرولا گراندے کی قیمت 95 ہزار روپے، ہونڈا بی آر وی آٹو کے نرخ بھی 79 ہزار روپے تک گر سکتے ہیں۔

دوسری جانب محکمہ ایکسائز کی جانب سے الیکٹرانک گاڑیوں پر ٹیکس کی مد میں 50 سے 75 فیصد رعایت دی جا رہی ہے۔

محکمہ ایکسائز اینڈ ٹیکسیشن حکام کا کہنا ہے کہ آئندہ گاڑیوں کی نئی رجسٹریشن اور ٹرانسفر بائیو میٹرک طریقے سے ہوگی، 30 جون تک ٹوکن ٹیکس ادا نہ کرنے والوں کی گاڑیوں کی رجسٹریشن معطل کر دی جائے گی۔

[amazonad category=”Mobile”]