آج ہم آپ کو بتائیں گے دنیا کے ان حیرت انگیز اور عجیب پھلوں کے بارے میں جنہیں جان کر آپ کو بھی قدرت کی بنائی ہر چیز پر رشک ہوگا۔

یہ عام پھل نہیں بلکہ ایسے پھل ہیں جن کے بارے میں شاید ہی آپ نے سُنا اور دیکھا ہو۔

سینگھوں والا تربوز

اس نوکیلے سینگھوں جیسے خدوخال والے پھل کا نام کیانو ہے ، یہ ظاہری طور پر تربوز جیسا اندر سے کھیرے جیسا اور ذائقے میں کھیرے اور لیموں جیسا ہوتا ہے۔

یہ پھل افریقہ کہ صحراؤں میں پایا جاتا ہے اس کا رنگ نارنجی، چھِلکا تربوز جیسا سخت اور اندر سے ہرے رنگ کا ہوتا ہے۔

اس کی جلد پر موجود نوکدار کانٹے کسی جانور کی سینگھوں جیسے دِکھائی دیتے ہیں اس لئے اسے سینگھوں والا تربوز بھی کہا جاتا ہے۔

ڈریگن فروٹ

یہ پھل اوپر سے ہرا اور گلابی جبکہ اندر سے سفید اور اس کے بیج کالے ہوتے ہیں، یہ دِکھنے میں کسی کیکٹس جیسا دکھائی دیتا ہے اور اس کے چھلکوں پر بھی نوک دار کانٹے ہوتے ہیں جس کی وجہ سے اسے ڈریگن فروٹ کہا جاتا ہے، اس پھل کا تعلق میکسیکو سے ہے مگر اب یہ لیٹن امریکہ اور ساتھ ساتھ ایشیا میں بھی کاشت کیا جانے لگا ہے۔

لال کیلے

دنیا بھر میں کیلوں کی مختلف اقسام اور اعلیٰ معیار کے کیلے پائے جاتے ہیں لیکن ہرے اور پیلے یا پھر براؤن کے ساتھ ساتھ لال رنگ کے کیلے بھی دنیا میں موجود ہیں۔

جی ہاں! یہ لال رنگ کے کیلے کوالالمپور، جنوبی امریکہ اور ایشیا کے کچھ خاص ممالک میں کاشت کئے جاتے ہیں اور انہیں دیگر ایشیائی ممالک میں برآمد کیا جاتا ہے۔

تحقیق کے مطابق ان کیلوں کا ذائقہ پیلے کیلوں سے زیادہ میٹھا جبکہ تھوڑا سرس بیری جیسا ہوتا ہے یہ کیلے زیادہ مہنگے تو نہیں مگر غذائیت کے اعتبار سے اہمیت رکھتے ہیں۔