صوبائی وزیر صنعت و تجارت میاں اسلم اقبال نے کہا کہ عوام کی زندگیوں میں آسانیاں لانے کے پروگرام کامیابی سے جاری ہیں۔

تفصیلات کے مطابق صوبائی وزیر صنعت و تجارت میاں اسلم اقبال نے حاموں شاہ پارک، باغ گل بیگم اور دیگر علاقوں کا دورہ کیا اور لوگوں سے ترقیاتی مسائل پر گفتگو کرتے ہوئے کہا کہ عوام کی خدمت اور ان کے مسائل کے حل کیلئے جو کچھ میرے بس میں ہے کروں گا۔

انہوں نے کہا کہ پی ٹی آئی کی حکومت وسائل کی ایک ایک پائی شفاف طریقے سے عوام کی فلاح پرصرف کررہی ہے، عوام سے کیے گئے وعدوں کی تکمیل کی جانب بڑھ رہے ہیں، انفراسٹرکچر کی فراہمی کے ساتھ تعلیم اور صحت کے ادارے بنانا بھی ہماری ذمہ داری ہے۔

میاں اسلم اقبال نے کہا کہ پی پی 151 میں صوبے کا بڑا اور شاندار گرلز کالج بنے گا، اس کالج میں متوسط اور غریب گھرانوں کی بچیوں کو اعلیٰ تعلیم کے مواقع ملیں گے۔

صوبائی وزیر صنعت و تجارت میاں اسلم اقبال نے مزید کہا کہ ڈھولن وال میں عوام کی بجلی کے مسائل کے حل کیلئے 26 نئے ٹرانسفارمرز لگانے گئے ہیں، علاقے میں کروڑوں روپے کی لاگت سے بجلی، گیس، سیورج اور دیگر اسکیمیں مکمل کی گئی ہیں۔