مسلم لیگ ن نے الیکشن ڈے مانیٹرنگ کی حکمت عملی تیار کرلی ہے، مریم اورنگزیب

اسفا سروت

23rd Jul, 2021. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلم لیگ ن نے الیکشن ڈے مانیٹرنگ کی حکمت عملی تیار کرلی ہے، مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا کہ مسلم لیگ ن نے الیکشن ڈے مانیٹرنگ کی حکمت عملی تیار کرلی ہے۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے آزاد جموں و کشمیر الیکشن سے متعلق اپنے بیان میں کہا کہ آزاد جموں و کشمیر میں ووٹ چوری کی کسی بھی کوشش کو ناکام بنانے کے لئے بھرپور نگرانی کی جائے گی۔

انہوں نے کہا کہ پورے آزاد جموں و کشمیر میں انتخابات کے دن نگرانی کے لئے مبصر ٹیمیں تشکیل دے دی گئی ہیں، پارٹی کے رہنماؤں اور کارکنان کو الیکشن ڈے مانیٹرنگ کے لئے ذمہ داریاں تفویض کردی گئی ہیں، ایک مرکزی اسپیشل مانیٹرنگ سیل قائم کیا گیا ہے جو الیکشن ڈے پر چوبیس گھنٹے مانیٹرنگ کرے گا۔

مریم اورنگزیب نے کہا کہ پارٹی کے رہنما اور کارکنان اپنے اپنے علاقوں میں تمام صورتحال سے مانیٹرنگ سیل کو آگاہ رکھیں گے، مانیٹرنگ ٹیموں کے علاوہ قانونی امداد کے لیے لیگل ٹیمز بھی تشکیل دی گئی ہیں۔

پاکستان مسلم لیگ (ن) کی ترجمان مریم اورنگزیب نے مزید کہا آزاد جموں و کشمیر کا ہر شہری نہ صرف ووٹ دے گا بلکہ اپنے ووٹ کی حفاظت بھی کرے گا، عمران صاحب اور ان کے کارندے فسطائی، آمرانہ اور ووٹ چوری کے ہتھکنڈوں سے باز رہیں تو بہتر ہوگا۔