زاہد حفیظ چوہدری نے کہا ہے کہ پاکستان خوشحال افغانستان کے لیے مثبت کردار جاری رکھے گا۔

تفصیلات کے مطابق دفتر خارجہ کے ترجمان زاہد حفیظ چوہدری نے کہا ہے کہ  وزیر خارجہ شاہ محمود قریشی نے وزارت خارجہ میں افغانستان سے آئے سیاسی رہنماؤں کا استقبال کیا ہے، ملاقات میں وزیر خارجہ نے افغانستان میں تازہ ترین صورتحال پر پاکستان کا نقطہ نظر پیش کیا ہے، وزیر خارجہ نے واضح کیا  ہے کہ پاکستان افغانستان کے مستقبل میں افغان معاشرے کے تمام طبقات کو  اہمیت دیتا ہے۔

دفتر خارجہ کے ترجمان کا کہنا ہے کہ وزیر خارجہ نے امید ظاہر کی ہے کہ افغان رہنما امن و مفاہمت کے لیے عالمی برادری کی حمایت سے فائدہ اٹھاتے ہوئے مل کر کام کریں گے تاکہ افغانستان کی موجودہ صورتحال کو ملکی مفاد اور عوام کی خواہشات کے مطابق حل کیا جا سکے۔

زاہد حفیظ چوہدری نے کہا ہے کہ بد امنی خطے کے امن و استحال اور باہمی منسلکی پر منفی اثرات مرتب کرے گی، بین الاقوامی برادی کی افغانستان میں دیرپا امن و استحکام کی کوشیشں مشترکہ ذمہ داری کے طور پر اہم ہیں۔

زاہد حفیظ چوہدری نے کہا ہے کہ افغانستان میں دیرپا امن و استحکام پاکستان کے مفاد میں ہے اور شاہ محمود نے اس عزم کی تجدید کی کہ پاکستان ایک متحد,  پر امن اور خوشحال افغانستان کے لیے مثبت کردار جاری رکھے گا۔