ہندوستان کا یوم آزادی کشمیریوں کے لیے یوم سیاہ کی حیثیت رکھتا ہے ، راجہ محمد فاروق حیدر

انوشہ شیخ

15th Aug, 2021. 02:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ہندوستان کا یوم آزادی کشمیریوں کے لیے یوم سیاہ کی حیثیت رکھتا ہے ، راجہ محمد فاروق حیدر
وزیرِ صحت مصطفیٰ کمال کا پمز اسپتال کا دورہ، دھماکے میں زخمی افراد کی عیادت
سندھ بھر میں دفعہ 144 نافذ، ہر قسم کے اجتماعات، جلسے، جلوسوں اور احتجاج پر پابندی
کراچی میں ای چالان سسٹم شہریوں کے لیے وبالِ جان بن گیا، ایک ہی خلاف ورزی پر دو چالان جاری

Now Reading:

ہندوستان کا یوم آزادی کشمیریوں کے لیے یوم سیاہ کی حیثیت رکھتا ہے ، راجہ محمد فاروق حیدر

سابق وزیراعظم آزاد کشمیر و صدر مسلم لیگ ن راجہ محمد فاروق حیدر خان نے کہا ہے کہ ہندوستان کا یوم آزادی کشمیریوں کے لیے یوم سیاہ کی حیثیت رکھتا ہے۔

یوم سیاہ کے موقع پر بیان دیتے ہوئے ان کا کہنا تھا کہ کشمیریوں نے ہندوستان سے آزادی کی جدوجہد میں لازوال قربانیاں دیں مگر سمجھوتہ نہیں کیا ، مقبوضہ کشمیر میں ہونے والے بدترین مظالم بنیادی انسانی حقوق کی سنگین خلاف ورزیوں نے نام نہاد بڑی جمہوریت کو بے نقاب کرکہ رکھ دیا ہے۔

ان کا کہنا تھا کہ تحریک آزادی کشمیر کے لیے کشمیریوں کو بلا رنگ ونسل اور مذہب اپنے بنیادی حق کے لیے متحد ہوکر جدوجہد کرنی ہوگی ، ہندوستان کا ہر قومی دن اس وقت تک کشمیریوں کے لیے یوم سیاہ تھا جب تک وہ کشمیر پر اپنا غاصبانہ قبضہ ختم نہیں کرتا۔

راجہ محمد فاروق نے کہا کہ تقسیم سے ہٹ کر ریاست جموں و کشمیر کے تشخص وقار کی بحالی کے لیے سب کو مل کر کام کرنا ہوگا ، 13 جولائی ہو 5 اگست ہو 15 اگست ہو 6 نومبر یا 27 اکتوبر کشمیر کی تاریخ انسانیت سوز واقعات سے بھری پڑی ہے۔

ان کا کہنا تھا کہ اللہ رب العزت سے دعا ہے کہ کشمیری کبھی خوشی کا دن بھی بناسکیں ، پاکستانی قوم کے شکرگزار ہیں جس نے ہمیشہ ہماری مدد کی ہے۔

انہوں نے بتایا کہ حکومتوں کا رویہ جیسا بھی ہو پاکستانی عوام نے کشمیر اور کشمیریوں کو ناقابل فراموش پذیرائی بخشی ہے۔