لیسکو (لاہور الیکٹرک سپلائی کمپنی )کے زیرِانتظام 5ڈسٹرکٹس میں لوگوں کی سہولت کے ۔لئے موبائل ویکسینیشن ٹیموں کے قیام کی منظوری دے دی ہے۔

تفصیلات کے مطابق لیسکو نے ویکسنیشن کمیشن کو پنجاب کے پانچ ڈسٹرکٹس میں مو بائل ویکسینیشن بھر پور طریقے سے چلانے کے لئے ٹیمیں تشکیل دے دی ہیں۔

لیسکو ترجمان کے اعلامیے کے مطابق چیف ایگزیکٹو لیسکو چوہدری محمد امین نے نیشنل کمانڈ اینڈ کنٹرول اتھارٹی کی جانب سے مقرر کردہ اہداف کو پورا کرنے کے لئے موبائل ویکسینیشن ٹیموں کے قیام کی منظوری دی ہے ۔

لیسکو ذرائع کا کہنا ہے کہ یہ موبائل ٹیمیں ڈسٹرکٹس لاہور، اوکاڑہ، قصور، شیخوپورہ اور ننکانہ میں اپنی خدمات سر انجام دیں گی۔

ڈائریکٹر جنرل ایڈمن میاں محمد افضل کی جانب سے جاری کردہ مراسلے میں ڈپٹی منیجر ایڈمن سلمان حیدر کو فوکل پرسن نامزد کیا گیا  ہے۔

چیف ایگزیکٹو چوہدری محمد امین نے اس عزم کا اعادہ کیا ہے کہ کورونا وباء سے لیسکو ملازمین،ان کے اہل خانہ اور لیسکو کے معزز صارفین کو بھی محفوظ بنائیں گے۔

واضح رہے کہ وفاقی کابینہ کے اجلاس میں یہ فیصلہ کیا گیا تھا کہ ملک بھر میں کورونا کے خلاف ویکسنیشن مہم کے لئے سرکاری ملکیتی ادارے بھی بھر پور طریقے سے اپنا کردار ادا کریں۔