وفاقی وزیربرائے منصوبہ بندی  اسد عمر نے کہا ہے کہ پاکستان میں سماجی شعبے کی ترقی میں عالمی بینک کا کردار قابل تحسین ہے۔

تفصیلات کے مطابق وفاقی وزیربرائے منصوبہ بندی  اسد عمر سے عالمی بینک کے وفد کی ملاقات ہوئی، عالمی بینک کے وفد کی قیادت نائب صدر برائے جنوبی ایشیا ہارٹ وگ شیفر نے کی۔

ان کا کہنا تھا کہ عالمی بینک، دیگر اداروں کے تعاون سے ملک میں ادارہ جاتی اصلاحات کا عمل جاری ہے۔ پاکستان ادارہ شماریات کی جدید خطوط پر اصلاحات کی جائیں گی ،اصلاحات سے گورنس اور خدمات کی فراہمی کے شعبوں میں بہتری آئے گی۔

وفاقی وزیر کا کہنا تھا کہ پی ایس بی کے شماریاتی نظام کو جدید خطوط پر استوار کیا جائے گا، ادارہ شماریات کو ہائی فریکوئنسی ڈیٹا جنریشن کے قابل بنایا جائے گا۔

اسد عمر نے کہا کہ پاکستان ادارہ شماریات 2023 میں پہلی ڈیجیٹل مردم شماری کرے گا، اس معاملے میں عالمی بینک کی تکنیکی معاونت کو خوش آمدید کہا جائے گا۔

ملاقات میں نائب صدر عالمی بینک ہاٹ وگ شیفر کا کہنا تھا کہ   عالمی بینک ویکسین کی خریداری کے لئے رکن ممالک سے تعاون جاری رکھے گا۔

نائب صدر عالمی بینک ہاٹ وگ شیفرکا مزید کہنا تھا کہ پاکستان میں پالیسی اصلاحات، ترقیاتی منصوبوں پر کام بروقت مکمل ہونا چاہیے۔