عوام کے تحفظ کو برقرار رکھنا صوبائی حکومت کی اولین ذمہ داری ہے، صوبائی وزیر داخلہ

وریشہ مسعود

26th Aug, 2021. 07:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوام کے تحفظ کو برقرار رکھنا صوبائی حکومت کی اولین ذمہ داری ہے، صوبائی وزیر داخلہ

صوبائی وزیر داخلہ میر ضیاء اللہ لانگو نے کہا ہے کہ عوام کے تحفظ اور امن و امان کو برقرار رکھنا صوبائی حکومت کی اولین ذمہ داری ہے۔

تفصیلات کے مطابق اپنے ایک بیان میں صوبائی وزیر داخلہ میر ضیاء اللہ لانگو نے زیارت کچھ موڑ کے مقام پر لیویز موبائل پر دھماکے کی شدید الفاظ میں مذمت کی ہے۔

اس موقع پر وزیر داخلہ نے واقعہ کی رپورٹ متعلقہ حکام سے طلب کرلی۔

صوبائی وزیر داخلہ نے کہا کہ دہشت گردی کے خلاف جنگ میں سکیورٹی فورسز نے لازوال قربانیاں دی ہیں اور پوری قوم ان کی قربانیوں کو سلام پیش کرتی ہے۔

میر ضیاء اللہ لانگو نے یہ بھی کہا کہ سماج دشمن عناصر کے خلاف کارروائیوں کا سلسلہ مزید موثر انداز میں جاری رکھا جائے، موجودہ صورتحال میں قانون نافذ کرنے والے اداروں اور اس کے ذیلی اداروں کو معمول سے زیادہ متحرک اور فعال ہونا ہوگا۔

صوبائی وزیر داخلہ میر ضیاء اللہ لانگو نے مزید کہا کہ عوام کے تحفظ اور امن و امان کو برقرار رکھنا صوبائی حکومت کی اولین ذمہ داری ہے، ہم کسی صورت اپنی ذمہ داری سے غافل نہیں ہوں گے۔