عوامی نیشنل پارٹی کی مرکزی مجلس عاملہ کا اجلاس اسلام آباد میں شروع ہوگیا۔

تفصیلات کے مطابق اجلاس کی صدارت مرکزی سینئر نائب صدر امیرحیدر خان ہوتی کررہے ہیں۔

ذرائع کا کہنا تھا کہ اجلاس میں خطے بالخصوص افغانستان کی صورتحال پر تفصیلی بحث ہوگی جبکہ ملکی سیاسی صورتحال، الیکٹرانک ووٹنگ مشین، پی ایم ڈی اے اور دیگر مسائل پر بھی گفتگو ہوگی۔

ذرائع کا کہنا تھا کہ اجلاس میں ملک بھر سے اراکین شریک ہیں، پہر 3 بجے پریس کانفرنس ہوگی جبکہ اے این پی کے مرکزی سینئر نائب صدرامیرحیدر خان ہوتی 3 بجے پریس کانفرنس کریں گے۔

ذرائع کا مزید کہنا تھا کہ مرکزی کابینہ کے اجلاس میں صوبائی صدور و جنرل سیکرٹریز بھی خصوصی شرکت کریں گے جبکہ دونوں اجلاس کی صدارت مرکزی سینئرنائب صدر امیرحیدر خان ہوتی کریں گے۔

واضح رہے اجلاس میں خطے بالخصوص افغانستان کی بدلتی ہوئی صورتحال پر تفصیلی بحث ہوگی،اسکے ساتھ ساتھ علاقائی ، ملکی و بین الاقوامی سیاسی صورتحال پر بھی گفتگو ہوگی جبکہ سیکرٹری جنرل عوامی نیشنل پارٹی میاں افتخارحسین کی جانب سی30اگست 2021ء کو تمام صدور کے نام دعوت نامے بھیجے جاچکے ہیں، جبکہ مرکزی سیکرٹری جنرل میاں افتخارحسین نے دونوں اجلاسوں میں اراکین کو بروقت شرکت کی ہدایت کی ہے۔