اقبال پارک میں خاتون سے دست درازی کا کیس، ملزمان کے جسمانی ریمانڈ میں 2 روز کی توسیع

انوشہ شیخ

11th Sep, 2021. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اقبال پارک میں خاتون سے دست درازی کا کیس، ملزمان کے جسمانی ریمانڈ میں 2 روز کی توسیع

صوبائی دارالحکومت لاہور میں واقع گریٹر اقبال پارک میں خاتون سے دست درازی کے کیس میں 6 ملزمان کے جسمانی ریمانڈ میں 2 روز کی توسیع کردی گئی ہے۔

تفصیلات کے مطابق جوڈیشل مجسٹریٹ حسن سرفراز چیمہ کی جانب سے ملزمان کو 13 ستمبر کو دوبارہ پیش کرنے کا حکم دیا گیا ہے جبکہ عدالت نے ملزم شہریار کو نابالغ ہونے کی بنیاد پر جوڈیشل ریمانڈ پر جیل بھیجنے کی استدعا مسترد کر دی ہے۔

جج حسن سرفراز چیمہ کا کہنا ہے کہ مقدمے میں لگائی گئی دفعات سنگین نوعیت کی ہیں، تعزیرات پاکستان میں دفعہ 354 اے کی سزا موت مقرر ہے۔

ان کا مزید کہنا تھا کہ ملزم شہریار کے نابالغ ہونے کا موقف تفتیش کی سطح پر ناقابل تسلیم ہے جبکہ عدالت نے ارسلان سمیت 6 ملزموں کے خلاف تحقیقات میں پیش رفت رپورٹ بھی طلب کر لی ہے۔

پولیس کا کہنا ہے کہ ملزمان نے گن پوائنٹ پر خاتون سے نقدی اور موبائل چھینا ہے ، مزید تحقیقات اور برآمدگی کیلئے 9 روزہ ریمانڈ دیا جائے۔

واضح رہے کہ ملزم ارسلان، عابد، افتخار اسد، شہریار، مہران اور محمد ساجد کو متاثرہ خاتون نے شناخت کیا تھا۔