پی ٹی آئی نے ملک کا تماشا بنا دیا، سراج الحق

تنزیلہ قریشی

25th Sep, 2021. 06:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی نے ملک کا تماشا بنا دیا، سراج الحق

امیر جماعت اسلامی سراج الحق نے کہا ہے کہ پی ٹی آئی نے ملک کا تماشا بنا دیا ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ تین سال سے وزیر اعظم تقریروں، دعوؤں اور وعدوں تک محدود ہیں جبکہ عمل کا خانہ خالی ہے، تبدیلی یہ ہے کہ ملک کے تمام شعبے تیزی سے ترقی نہیں بلکہ تنزلی کا شکار ہیں۔

ان کا کہنا تھا کہ انوکھی حکومت ریورس گیر پر ہے لیکن آگے کی طرف سفر کا دعوی کر رہی ہے، صاحبان اقتدار یوم حساب کو مت بھولیں، قبلہ درست کریں۔

سراج الحق نے کہا کہ قوم اشرافیہ کی زیادتیوں کا بدلہ ووٹ کی طاقت سے لے گی، یوتھ ملک کو بوسیدہ نظام سے چھٹکارا دلانے کے لیے جدوجہد کرے، پی ٹی آئی نے ملک کا تماشا بنا دیا ہے، معیشت ڈول ہے اور ادارے کمزور ہیں، ملک میں پارلیمنٹ اور قانون کی بالادستی کا کوئی تصور نہیں ہے۔

ان کا کہنا تھا کہ تھانہ کچہری عام آدمی کے لیے وبال جان بن گیا ہے، لوگوں کو سستا اور فوری انصاف چاہیے، حکومت اداروں اور نظام کو ٹھیک کرنے کی صلاحیت نہیں رکھتی۔

امیر جماعت اسلامی سراج الحق نے مزید کہا کہ قوم اب کی بار جماعت اسلامی کا ساتھ دے، ہم ملک بھر میں نوجوانوں کو منظم کررہے ہیں۔