ایف آئی اے کی چھاپہ مار کارروائی، غیر قانونی کاروبار میں ملوث نجی کمپنی کے نمائندے گرفتار

انوشہ شیخ

16th Sep, 2021. 12:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایف آئی اے کی چھاپہ مار کارروائی، غیر قانونی کاروبار میں ملوث نجی کمپنی کے نمائندے گرفتار
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
سول اسپتال حیدرآباد میں جعلی چیکس کے ذریعے کروڑوں روپے نکالے جانے کا انکشاف

Now Reading:

ایف آئی اے کی چھاپہ مار کارروائی، غیر قانونی کاروبار میں ملوث نجی کمپنی کے نمائندے گرفتار

ایف آئی اے کارپوریٹ کرائم سرکل کراچی کی جانب سے شہر قائد کے علاقے آئی آئی چندریگر روڈ اور کلفٹن میں چھاپہ مار کارروائی کی گئی ہے۔

تفصیلات کے مطابق ایف آئی اے کے افسران پر مشتمل چھاپہ مار ٹیمیں تشکیل دی گئی تھیں ، جنہوں نے بیک وقت کراچی کے مختلف علاقوں میں واقع کیپیٹل ایکسچینج کمپنی کے دفاتر پر کارروائی کرتے ہوئے ملزمان کے قبضے سے حوالہ ھنڈی میں ملوث اشیاء اور دیگر دستاویزات ضبط کر لیے ہیں۔

ترجمان ایف آئی اے سندھ کا کہنا ہے کہ ملزمان لائسنس کی آڑ میں حوالہ ھنڈی کے غیر قانونی کاروبار اور سرگرمیوں میں ملوث پائے گئے تھے، ملزمان درآمد کنندگان کی جانب سے منگوائی گئی اشیاء کی ادائیگی حوالہ ھنڈی کے ذریعے کرکے قومی خزانے کو بھاری نقصان پہنچا رہے تھے۔

ترجمان ایف آئی اے سندھ کا کہنا تھا کہ ملزمان سے مجموعی طور پر 81,026,245 رہپے برآمد کر لیے گئے ہیں جبکہ ملزمان کے خلاف مقدمہ الزام نمبر36/2021 زیر دفعہ 4، ایف ای آر ایکٹ 1947 کے تحت مقدمہ درج کر لیا گیا ہے۔

ان کا مزید کہنا تھا کہ گرفتار ملزمان میں محمد آفتاب، محمد آصف، ریحان ریاض مرچنٹ اور احمد رضا شامل ہیں۔

واضح رہے کہ ملزمان کو بغرض حصول ریمانڈ آج عدالت میں پیش کیا جائے گا۔