سری لنکن بیٹسمین دیموت کرونا رتھنا نے کہا ہے کہ نیوزی لینڈ کی جانب سے پاکستان کا دورہ منسوخ کرنے پر افسوس ہے۔

تفصیلات کے مطابق سری لنکن بیٹسمین دیموت کرونا رتھنا نے سماجی رابطے کی ویبسائٹ ٹویٹر پر اپنے جاری کردہ پیغام میں کہا کہ 2 سال پہلے پاکستان کرکٹ بورڈ (پی سی بی) نے اس بات کو یقینی بنایا کہ ہم پورے دورے کے دوران عام طور پر سربراہان مملکت کے لیے فراہم کردہ سیکورٹی پروٹوکول کے ساتھ انتہائی محفوظ تھے۔

https://twitter.com/IamDimuth/status/1438864902131568640

واضح رہے کہ آج نیوزی لینڈ کرکٹ بورڈ نے پی سی بی کو آگاہ کیا  تھا کہ انہیں سیکیورٹی کے حوالے سے الرٹ کیا گیا ہے اس لیے یکطرفہ طور پر سیریز ملتوی کرنے کا فیصلہ کیا ہے۔

پاکستان کرکٹ بورڈ اور حکومت پاکستان نے مہمان ٹیم کی سیکیورٹی کے لیے فول پروف انتظامات کررکھے تھے جس پر   نیوزی لینڈ ٹیم کے آفیشلز نے اطمینان کا اظہار کیا تھا۔

اس سے قبل وزیر اعظم  عمران خان  نے ذاتی طور پر نیوزی لینڈ کی وزیراعظم  جیسنڈا آرڈرن سے رابطہ کرکے انہیں بتایا  تھا کہ ہماری سیکیورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکیورٹی تھریٹ نہیں ہے۔