عدالتی فیصلے ہر حکومتی الزام کو بے نقاب کرچکے ہیں،شہباز شریف

محمد سلطان

02nd Sep, 2021. 12:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالتی فیصلے ہر حکومتی الزام کو بے نقاب کرچکے ہیں،شہباز شریف

پاکستان مسلم لیگ (ن) کے صدر اور قائد حزب اختلاف شہباز شریف نے کہا ہے کہ عدالتی فیصلے ہر حکومتی الزام کو بے نقاب کر چکے ہیں۔

تفصیلات کے مطابق پاکستان مسلم لیگ (ن) کے صدر اور قائد حزب اختلاف شہبازشریف نےرانا ثناءاللہ کے خلاف نیب انکوائری کی منظوری کی مذمت کرتے ہوئے کہا کہ رانا ثناءاللہ کے خلاف آمدن سے زائد اثاثہ جات کی مشکوک انکوائری کی منظوری سے سیاسی انتقام کی بوآرہی ہے ۔

شہباز شریف کا کہنا تھا کہ ہیروئن کیس کیسے بنا، کتنی قسمیں کھائی گئیں، کوئی ثبوت نہ آسکا، اسی لئے اثاثہ جات کے الزامات کی دھند لائی گئی، تین سال سے ہر الزام کھنگالاجاچکا ہے، نہ کوئی ثبوت، نہ کوئی شواہد سامنے آئے ہیں۔

ان کا کہنا تھا کہ رانا ثناءاللہ کو سزا اس لئے مل رہی ہے کہ وہ میاں نوازشریف کے وفادار اور بہادر ساتھی ہیں، کاش حکمران رانا ثناءاللہ سے سیاسی انتقام بھلا کرعوام کی روٹی، روزگار اور معاش کی فکر کرتے ۔

پاکستان مسلم لیگ (ن) کے صدر اور قائد حزب اختلاف شہباز شریف کا مزید کہنا تھا کہ نوازشریف کی قیادت میں ان کے تمام ساتھی، کارکنان ایسے سیاہ ہتھکنڈوں سے نہ پہلے مرعوب ہوئےنہ آئندہ ہوں گے۔