مقبوضہ کشمیر میں بزدل بھارتی حکومت نے کرفیو لگایا ہے، سراج الحق

اسفا سروت

02nd Sep, 2021. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر میں بزدل بھارتی حکومت نے کرفیو لگایا ہے، سراج الحق

امیر جماعت اسلامی سراج الحق نے کہا ہے کہ مقبوضہ کشمیر میں بزدل بھارتی حکومت نے کرفیو لگایا ہے۔

تفصیلات کے مطابق امیر جماعت اسلامی سراج الحق نے منصورہ میں کارکنوں سے خطاب کرت ہوئے کہا کہ بھارتی فوج نے نامعلوم جگہ پر سید علی شاہ گیلانی کو دفن کیا جس سے معلوم ہوتا ہے کہ بھارت انتہا پسندی کی ڈگر پر گامزن ہے۔

امیر جماعت اسلامی سراج الحق کا کہنا ہے کہ بزدل بھارت سید علی شاہ گیلانی کے جنازے سے بھی خوفزدہ ہے، بھارت کا سیکولرازم اپنی موت آپ مر چکا ہے۔

انہوں نے کہا کہ سید علی گیلانی نے جماعت اسلامی میں شمولیت کے بعد سرکاری ملازمت چھوڑ دی تھی۔ جماعت اسلامی سید علی شاہ گیلانی کی خدمات پر فخر کرتی ہے۔

سراج الحق نے کہا ہے کہ سید علی شاہ گیلانی نے درس دیا کہ کشمیر کے بغیر پاکستان نامکمل ہے۔

امیر جماعت اسلامی سراج الحق نے مزید کہا کہ سید علی شاہ گیلانی نے ہر پاکستانی حکمران کو غیرت دلوائی لیکن حکومتیں سوئی رہیں۔