جیت کا جشن بہت منالیا اب اگلے میچز پر فوکس ہونا چاہیے، وسیم اکرم کی کھلاڑیوں کو ہدایت

سعدیہ شمیم

25th Oct, 2021. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جیت کا جشن بہت منالیا اب اگلے میچز پر فوکس ہونا چاہیے، وسیم اکرم کی کھلاڑیوں کو ہدایت

پاکستان کرکٹ ٹیم کے سابق کپتان وسیم اکرم نے قومی ٹیم کو ہدایت دیتے ہوئے کہا ہے کہ جیت کا جشن بہت منالیا اب اگلے میچز پر فوکس ہونا چاہیے۔
تفصیلات کے مطابق پاکستان کرکٹ ٹیم کے سابق کپتان وسیم اکرم نے اپنے جاری کردہ بیان میں کہا کہ پاکستان ٹیم کا اس میچ کے بعد مائنڈ سیٹ تبدیل ہوا ہے، بھارت کے خلاف جیت سے پتہ چلتا ہے ہمارے لڑکوں میں صلاحیت ہے۔
وسیم اکرم نے کہا کہ پاکستان ٹیم نے اپنی پرفارمنس سے تمام اندازے کوغلط ثابت کردیا ہوسکتا ہے کہ وزیر اعظم کی ٹپس یقینی طور پر کھلاڑیوں کے کام آئے ہونگے۔
انکا کہنا تھا کہ محمد رضوان تسلسل کے ساتھ پر فارم کر رہا ہے، رضوان ایک زبردست ٹیم مین ہے، اس نے ٹیم کو متحد کر کے رکھا ہوا ہے۔
وسیم اکرم نے کہا کہ شاہین شاہ دنیا کے نامور بالرز میں شامل ہو چکا ہے، شاہین شاہ آفریدی نے بہترین باولنگ کی اس کو مزید کام کرنا ہوگا۔

سابق کپتان کا کہنا تھا کہ یو اے ای کی کنڈیشن میں ٹاس کا کردار اہم ہے، ٹاس جیتنا ہارنا کسی کے ہاتھ میں نہیں ہے۔
سابق کپتان وسیم اکرم نے کہا کہ ابھی بڑے میچز باقی ہیں جیت کا جشن بہت منالیا اب اگلے میچز پر فوکس ہونا چاہیے۔
انکا مزید کہنا تھا کہ پاک بھارت سیریز میں پاکستان کا ریکارڈ بہتر ہے، ورلڈ کپ میں کمی تھی وہ بھی پوری ہوگئی، دعا ہے کہ پاکستان فائنل میں پہنچنے۔