ملک بھر میں تعلیمی ادارے 100 فیصد حاضری کیساتھ کھل گئے

شبین رضا

11th Oct, 2021. 11:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں تعلیمی ادارے 100 فیصد حاضری کیساتھ کھل گئے

کورونا وبا کے پھیلاؤ میں کمی کے باعث ملک بھر کے تعلیمی ادارے آج سے سو فیصد حاضری کے ساتھ کھل گئے ہیں۔

تفصیلات کے مطابق وفاقی وزیر تعلیم شفقت محمود نے گزشتہ ماہ سولہ ستمبر سے تعلیمی ادارے 50 فیصد حاضری کے ساتھ کھولنے کا اعلان کیا تھا اور روزانہ کی بنیاد پر این سی او سی میں بیماری کا باریک بینی سے جائزہ لینے کے بعد مزید فیصلوں کا کہا تھا۔

ذرائع کے مطابق ملک بھر میں آج سے سو فیصد حاضری کے ساتھ کلاسز کا آغاز ہوگیا ہے، 12 سال اور زائد عمر کے طلبا کیلئے ویکسی نیشن بھی لازمی قرار دے دی گئی ہے۔

نیشنل کمانڈ اینڈ آپریشن سینٹر(این سی او سی) نے کورونا کیسز کم ہونے پر تمام تعلیمی اداروں کو ہفتے میں 6 دن مکمل حاضری کے ساتھ کھولنے کا اعلان کیا تھا۔

کورونا وائرس کی چوتھی لہر کے دوران کیسز میں کمی کے بعد این سی او سی کے فیصلے کے مطابق محکمہ تعلیم سندھ نے بھی آج سے سو فیصد حاضری کے ساتھ اسکول کھولنے کی اجازت دے دی ہے۔

سندھ کے تعلیمی اداروں میں بھی بارہ سال کے بچوں سمیت تمام اسٹاف کی ویکسی نیشن کو لازمی قرار دیا گیاہے۔

اس کے علاوہ پنجاب ، بلوچستان اور کے پی کے تعلیمی اداروں میں بھی آج سے معمول کے مطابق پوری حاضری کے ساتھ کلاسز کا اغاز کردیا گیا ہے۔