ترجمان پیپلز پارٹی پارلیمنٹیرینز شازیہ مری نے کہا ہے کہ پاکستان پیپلز پارٹی مہنگائی کے خلاف میدان میں آچکی ہے۔

تفصیلات کے مطابق ترجمان پیپلز پارٹی پارلیمنٹیرینز شازیہ مری نے اپنے ایک بیان میں کہا کہ پیپلزپارٹی کے کارکن دو ہفتوں سے مہنگائی کے خلاف مختلف شہروں میں احتجاج کر رہے ہیں، پاکستان پیپلز پارٹی مہنگائی کے خلاف میدان میں آچکی ہے۔

شازیہ مری کا کہنا تھا کہ پنجاب اور قومی اسمبلی میں حزب اختلاف عدم اعتماد کی تحریک لاتی تو عمران خان گھر جا چکے ہوتے، ہمیں لگا کہ استعفوں کی ضد کرنے والے خود استعفے ضرور دیں گے۔

ترجمان پیپلز پارٹی پارلیمنٹیرینز شازیہ مری نے کہا کہ وزیر اعظم  عمران خان سے نجات کیلئے پہلے وزیر اعلیٰ پنجاب سردار عثمان بزدار کو ہٹانا پڑے گا۔