رینجرز اور پو لیس کی جانب سے انٹیلی جنس معلمات کی بنیاد پر مشترکہ کامیاب کارروائی کی گئی ہے۔
تفصیلات کے مطابق کارروائی کے نتیجے میں کراچی کے علا قے ایوب گوٹھ گڈاپ ٹاؤن سے اسٹریٹ کرائم میں ملوث 2 انتہائی مطلوب ملزمان عطاء اللہ عرف خان اور سمیر کو گرفتار کر لیا گیا ہے۔
ترجمان رینجرز کا کہنا ہے کہ مورخہ 11 اگست 2021 کو ملزمان نے تھانہ سعید آباد کے علاقے میں پیراڈائیز پٹرول پمپ پر ڈکیتی کی واردات کی تھی ، اس واردات کی ویڈیو سوشل میڈیا پر وائرل ہوئی جس میں ملزمان کو باآسانی پہچانا جا سکتا ہے۔
ملزمان کی گرفتاری سی سی ٹی وی فوٹیج کی مدد سے عمل میں لائی گئی ہے، ملزمان اسٹریٹ کرائم کی متعدد وارداتوں میں ملوث ہیں۔
ترجمان سندھ رینجرز نےعوام سے اپیل ہے کہ ایسے عناصر کے بارے میں اطلاع فوری طور پرقریبی رینجر ز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر03479001111پر کال یا ایس ایم ایس کے ذریعے دیں۔آپ کا نام صیغہ راز میں رکھا جائے گا۔
واضح رہے کہ گرفتار ملزمان کومزید قانونی کارروائی کے لیے پولیس کے حوالے کردیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News