وزیراعظم عمران خان سے اتحادی جماعتوں کے ارکان نے ملاقات کی جس کی اندرونی کہانی سامنے آ گئی ہے۔
ذرائع کے مطابق وزیراعظم عمران خان سے ملاقات میں اتحادیوں نے الیکٹرانک ووٹنگ مشین پر اعتماد میں نہ لینے کا معاملہ اٹھا دیا ، انہوں نے اہم قانون سازی پر اعتماد میں نہ لینے کا شکوہ کیا اور ای وی ایم پر تفصیلی بریفنگ کا مطالبہ بھی کیا۔
اتحادیوں کا کہنا تھا کہ حکومت اپنے طور پر اس قسم کے اہم فیصلوں سے گریز کرے ، آج تک اتحادیوں کو الیکٹرانک ووٹنگ مشین پر کوئی بریفنگ نہیں دی گئی ، ای وی ایم کے استعمال، طریقہ کار اور فنکشن پر تفصیلی بریفنگ دی جائے۔
ملاقات میں اتحادی جماعتوں نے سوالات اٹھائے کہ یہ مشین پاکستان کے سیاسی انتخابی نظام پر کس حد تک اثرانداز ہو گی ، یہ کس حد تک محفوظ ہیں۔ دیہی علاقوں میں انہیں کون استعمال کرے گا ، ان مشینوں کی خریداری پر کتنے اخراجات آئیں گے، سیکورٹی کی ذمہ داری کس کی ہو گی۔
ذرائع کا کہنا ہے کہ وزیراعظم نے اتحادیوں کا مطالبہ مانتے ہوئے وزارت سائنس اینڈ ٹیکنالوجی کو اتحادیوں کو تفصیلی بریفنگ دینے کی ہدایات جاری کیں۔
اتحادیوں کا یہ بھی کہنا تھا کہ بطور اتحادی حکومت کی حمایت کریں گے ، ہمیں اس نظام کے طریقہ کار کا علم ہونا چاہیے۔
واضح رہے کہ اتحادیوں کو الیکٹرانک ووٹنگ مشین پر آئندہ ہفتے تفصیلی بریفنگ کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News