کورونا کی ایک اور نئی قسم سامنے آگئی
سائسنی ماہرین نے انکشاف کیا ہے کہ کورونا کی ایک اور نئی قسم سامنے آگئی ہے۔
غیر ملکی خبر رساں اداراے کے مطابق جنوبی افریقا کے سائسنی ماہرین نے انکشاف کیا ہے کہ اُن کے ملک میں کورونا کی ایک اور قسم سامنے آئی ہے۔
اس حوالے سے افریقی ماہرین نے کورونا کی سامنے آنے والی نئی قسم کے حوالے سے کام کرنا شروع کردیا ہے۔
افریقا کے سائسنی ماہرین اس کے اثرات اور پھیلاؤ پر سب سے زیادہ غور کررہے ہیں۔
تاہم کورونا کی یہ قسم تیزی سے نہیں پھیلی بلکہ بہت کم لوگوں میں ہی اس کی تشخیص ہوئی ہے۔
نیشنل انسٹٰ ٹیوٹ فار کمیونیکیبل ڈیزیز (این آئی سی ڈی) کے مطابق مقامی طور پر کورونا کی نئی قسم کو بی ون، ون فائیوٹونائن کا نام دیا گیا ہے۔
یاد رہے کہ ابھی تک صرف بائیس کیسز رپورٹ ہوئے، جو ایک سے دوسرے میں منتقل ہوئے۔
اس حوالے سے پروفیسر ایڈریان نے بتایا کہ ہم ابھی اس نئی قسم کے حوالے سے کام کررہے ہیں تاہم کچھ بھی کہنا قبل از وقت ہوگا۔
گزشتہ برس کرونا کی نئی قسم کا کیس جنوبی افریقا میں سب سے پہلے سامنے آیا تھا۔
بعد ازاں ڈبلیو ایچ او نے اسے بیٹا ویئرنٹ کا نام دیا تھا۔
اس کے بارے میں یہ کہا گیا تھا کہ یہ بہت تیزی کے ساتھ ایک سے دوسرے شخص میں منتقل ہوتا ہے جبکہ ویکسین لگوانے والے بھی اس سے محفوظ نہیں رہ سکتے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News