ناکام نیازی کی تین سالہ دور کی تباہ کاریاں تھمنے کا نام نہیں لے رہیں، حسن مرتضیٰ

تنزیلہ قریشی

14th Nov, 2021. 06:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناکام نیازی کی تین سالہ دور کی تباہ کاریاں تھمنے کا نام نہیں لے رہیں، حسن مرتضیٰ

جنرل سیکریٹری و پارلیمانی لیڈر پیپلز پارٹی پنجاب سید حسن مرتضیٰ نے کہا ہے کہ ناکام نیازی کی تین سالہ دور کی تباہ کاریاں تھمنے کا نام نہیں لے رہیں۔

سید حسن مرتضیٰ نے اپنے جاری کردہ ایک بیان میں کہا کہ ہر شعبے میں بحران پیدا کر کے نیازی ٹولہ قوم کو صبر کرنے کی تلقین کر رہا ہے، ناکام نیازی کی تین سالہ دور کی تباہ کاریاں تھمنے کا نام نہیں لے رہیں، اب قوم کو روٹی پکانے کیلئے گیس بھی دینے سے انکار کر دیا گیا ہے۔

ان کا کہنا تھا کہ تین سالہ کارکردگی کا نچوڑ دن میں صرف تین بار گیس کی فراہمی کا اعلان ہے، تین ٹائم گیس کی فراہمی کا اعلان بھی دھوکہ ہے، گیس آئے گی ہی نہیں، بجلی، پٹرول اور گیس مہنگی کرنے کے بعد سلیکٹڈ عمران کان قوم سے سہولتیں بھی چھین رہا ہے۔

انہوں نے کہا کہ سردیوں میں گیس کی فراہمی سے انکار کرنے والی حکومت کو لوگ نکال باہر پھینکیں گے۔

جنرل سیکریٹری و پارلیمانی لیڈر پیپلز پارٹی پنجاب سید حسن مرتضیٰ کا مزید کہنا تھا کہ یہ موسمِ سرما عمران خان کی حکومت اور سیاست کی تدفین کا موسم ثابت ہوگا، قوم ہر موسمِ سرما کو رہتی دنیا تک منحوس حکومت سے نجات کے موسم کے طور پر منائے گی۔